晚餐之瑤柱蝦仁蝦子炒飯

又星期日啦以為今日要開工，最後都唔洗，昨日個媽咪出院諗住剛出院，怕她們未習慣需要我開工都無所謂，但她們有奶奶幫手所以只係幫她們準備湯同幾個簡單餸同早餐，昨日好忙又第一日，通常第一日都會好夜走，因為要教媽咪點埋身，餵奶，換片同BB喺床要留意咩，準備炒米茶，午餐，晚餐，燉湯同湯，有時間都會有個小食配燉湯，又準備埋今日的湯同餸，通常星期日我休息都會幫她們準備埋簡單的餸菜同湯，等她們有時間休息同照顧BB, 昨日搞到7：30左右先走又路途遠回家都9點幾，叫老公先食我差唔多到就煮個麵就算，今日唔洗返就瞓晏啲，但8點就起身大女今日要返，只係準備簡單早餐比她就算，她唔想我太辛苦所以唔帶午餐，跟住老公起身都簡單食完早餐，本來諗住出去行下，最後在家悠悠閒，中午煮麵同細女食完整下包已經3點幾就唔想出去，家中有菜雪櫃之前又淨咗啲嘢同飯，家姐早2日又比咗盒調魚下扒，其實就喺魚鮫位，簡單用鹽醃醃到焗時加啲黑椒，老公就覺得好好味，我就一般，啲囡怕有骨都唔太食，浸咗瑤柱同之前食淨啲蝦去彀，將蝦彀炒香餚咗湯加啲排骨同菜就有湯有菜，阿囡知道炒飯就買咗盒蝦子回來加埋入炒飯更加好味，再加埋焗排骨又開飯

炒飯家中各人最喜歡，先炒好雞蛋加入蝦，瑤柱同蒜茸炒香

加入飯炒勻後才加入蝦子

蔥炒勻就可以，咁啲蝦子仍然會脆卜卜唔會過熟

之前食淨啲蝦去彀後，蝦彀可餚成湯做湯底加入自己喜歡的料

將蝦彀炒香有蝦味

加入水

煮15分鐘左右

將蝦彀隔走