長洲2天之旅 - 上

2014年1月25日 星期六

每隔一段時間個人就需要叉叉電
refresh一下~今次我地叉電地方就係好耐都無入過黎既長洲

入得黎長洲梗係預左係咁食, 係咁食啦~

甘永泰既豆卜係老公必食既~

大大粒魚蛋係我最愛

仲有好多味可以揀
青咖喱, 沙爹, 咖喱etc.....

仲有紅豆餅, 紅豆又唔甜, 好味道~

今次入到黎見到有新野~

一次過試下3樣

焗生蠔好多配料, 好濃芝士味

但係個殼咁大, 粒蠔係超級細粒, 無下次LU~

隻半邊龍蝦幾好肉, 好味

粒帶子粒肉都幾大粒, 但都唔算特別!!!

但係食完呢3樣野好滿足

見到間學校開放左個自然教育展覽, 走入去參觀下先~

魚前共生, 呢排先認識到

我覺得幾好, 幾環保~

將養魚既水用黎種菜, 種菜既水用黎養魚

有個園藝天地, 見到種到未熟既蕃茄已經好開心

老公仲話如果屋企有花園一定會種D生果呀菜呀咁

可以自已有得食, 感覺會開心好多~

但諗下好啦~因為要發左達至得, HAHAHA

估唔到行前多2盆, 見到咁大舊檸檬

真係有種莫名其妙既開心

因為好似第一次見到係仲種緊既果實~

個展覽好細, 好快就睇完~跟住又周圍行下

見到有間鋪貼住個營業時間好得

係由老闆訓醒至老闆眼訓為止

好搞笑呀!

朋友介紹允升甜品食芒果糯米糍

叫左2粒, 一拎上手, feel到好足料

入面舊芒果好大舊

好多粉, 食到成口粉~

都幾好味架喎! d平又軟熟

芒果又大舊又算甜!!不錯

行行下見到有家門口種左盆吊係到既花

好靚, 好鐘意~紫色加挑紅色, 好靚!!!!!

 

 

行到攰坐係路邊休息下~

靜靜享受一下呢個咁relax既週未

我地早少少食個dinner~

梗係食海鮮啦!

淨係叫左4個餸

白勺東風螺, 豉汁炒聖子

炒西蘭花同蒸帶子

以咁既價錢食到3味海鮮, 我覺得唔錯

返去B&B休息下先~

睇下電視, 唔經唔覺又到11點半

又走返出碼頭果邊

因為一到夜晚好多車仔檔走出黎開檔

我地覺得好有風味, 所以一定要開餐

叫左壽司, 炸雞脾(老公至愛)

粥, 煎釀三寶同超足料好好既紫米露~

呢餐真係好滿足!!!