已經興左一輪既【雞煲】~ K小姐又試下係屋企整個山寨版先~~ 哈哈!!
其實真係唔難喎~只係要準備既配料多dd啦~~
咁都比我整到係街食既味道!!! 好開心呀~~~
自從我成功整左呢個【雞煲】之後~ K小姐一星期食左3次 DIY【雞煲】~~
第一輪招呼朋友, 見咁成功第二輪一於同屋企人SHARE下先~~~
之後再有朋友黎~話要食..* 好!!第三輪~~~ 就咁樣... 一星期食左3次... 哈哈哈~~~
不過都一樣食得開心!! 只不過有D熱氣了, 要煲返D下火野飲下~~~
因為一邊滾住, 所以張相好濛tim.......heheee...
主要材料: 一定係雞啦~~~
一隻雞洗淨, 切件~ 之後就要醃喇~~~!! (K小姐個碗都好迫下....=.="
原來醃料都唔算多..
醃料有: 糖, 鹽, 生抽, 老抽, 小小生粉, 辣豆瓣醬, 海鮮醬, 沙茶醬, 柱侯醬, 花椒油
如果第一次煮可以每樣醬先落一匙 (唔夠味或者唔夠辣就之後再加)..
咁樣試下試下, 下一次煮就會掌握到份量架喇~~~
好喇, 頭先講過配料都幾多下.. (影相果時未落晒ga...=.=" 因為太趕... 影唔切....)
配料:
薑
蔥
蒜頭 1個
洋蔥 1個
乾蔥 6粒
京蔥 2條
芫茜 4-6棵
唐芹 1棵
辣椒 視乎個人口咪而落啦
***你唔鍾意食都好, 都要落芫茜同唐芹.. 因為只係要佢個香味..唔係要你食ga..
如果唔落既話, 個味就爭d架喇...
做法:
1. 先將所有配料爆香 (留下少許京蔥, 芫茜作裝飾)
2. 下雞件, 炒至8成熟
3. 炒既時候唔好落水, 會沖淡味道。炒雞件時會自然有水份
4. 熄火, 蓋上蓋。食既時候放上gas爐/電磁爐滾起就ok~
*同出面食雞煲一樣, 差唔多食晒既時候就可以加清雞湯加配料打邊爐喇~~~~
出去就食得多~~~試下係屋企煮又好食又開心~!!!
K Pig Kitchen facebook:
https://www.facebook.com/kpigkitchen
呢個難得
Hi K, 我都整個雞煲, 我就用寧記麻辣醬煮的.
thanks for sharing~~!!
