我們這一家的情人元宵節

十九年一次既情人節遇上元宵節

好多人都話,你19歲生日,會新舊曆同埋一日,

而我既舊曆生日係中秋節,即8月15,但唔知點解我19歲時無新舊曆同埋一日,

而係差左一日既

但我媽又好肯定我係中秋節出世喎...

所以我依個不明原因,應該以後都會不明落去

 

好,講左一論癈話,講返我們這一家既情人節先

情人節,我同老公除左開頭拍拖個幾年做過水魚後

之後每一年都唔會再出去食所謂浪漫晚餐,

而花依件事..我真係好鄧老公肉痛既,

要送花,可以生日呀,紀念日先送,唔好情人節貴十幾廿倍個時送...

今年,我就親手整左張咭比老公,

本來想整張立體既,

但我個人對依方面比較笨...

所以都係畫下畫好了...keke..叫做下左功夫架喇..

 

依個係信封...

 

 

我是貓嘛...keke

 

咭背都有畫架...

 

 

而晚餐,我同老公都係中意煮食之人,

情人節就梗係自己煮,好過出去比貴十倍人賺啦

加上而家有埋悠悠...一家三口..點食都唔浪漫得去邊..哈哈

 

今日老公下廚,

我收工就接悠悠返屋企等開飯

老公煎牛扒同鵝肝,仲有帶子加龍蝦湯

不過因為我地想飯後出去睇花燈,

所以無影相,快快趣食完出發

 

同往年一樣,都係去屋企附近個個公園睇花燈

因為近呀,由屋企行過去5分鐘之嘛

其他花燈唔係話特別好靚

但情人節,一家三口飯後出去散散步,睇下花燈,

感覺都幾浪漫幾溫馨呀...

 

 

 

 

 

 

 

 

 

 

手機影既相唔係好得....仲要天氣好凍,手都震埋...

請見諒...哈哈哈

 

睇完花燈,就返屋企切蛋糕喇..

今次我整左個心形既芒果乳酪蛋糕

邊邊用左彩繪海綿,

個蛋糕好好食,我地三口子一口氣食晒....

咁就過左一個甜甜蜜蜜既情人節啦