寫blog的事

不經不覺加入左SeeWide都一段日子

其實我早係7年前就開始寫blog

都係咁練得一手好倉頡

以前寫blog,我只係為記下自己既一啲生活小事情

慢慢寫寫下,就變成開始分享自己既一啲小心得

好似煮食呀,出去飲飲食食呀,又或者生活體驗咁

直到Yahoo結束時,

各個網頁都開始招攬Yahoo blogger而使出各種招數

而我就被SeeWide所吸引

依到最吸引我既地方,係佢用法簡單,唔洗我摸咁耐

而另一個吸引地方,就係依到好多人流

大家各相交換大家既心得

依到有另一個吸引人既地方

就係寫blog可以賺錢,可以賺分,可以賺禮物

但亦都係咁...引尼左一啲可能只係為錢為禮物既人

有時見到有啲文章,推介一啲產品,但只係將產品官上既介紹copy過尼

有時又有啲人係其他文章到留言一句 : 幾好喎, 唔錯喎, 又或者得一個表情公仔

如果我係文章發表人,影左咁多相,寫左咁大編文

換尼一句咁既留言....其實真係有啲無奈

唔想睇,可以唔睇,無意見,可以唔留言,但唔好為咗賺分而去求其留一句囉

希望寫文章既,都可以認真去發表,唔好求求其其

令到SeeWide變成一個無野睇,同埋只係打廣告既地方呢

唔好意思,發左咁大編勞酥

我無要指明話任何一個人既意思..

大家千祈唔好對號入座

另外想講,好開心有幸成為一月之星

仲收到SeeWide既小小獎勵

我會繼續努力寫blog

只為可以同大家分享我既生活小事

中意小甫貓既,可以多啲尼支持

唔中意既,可以唔好click入尼..

希望大家將SeeWide變左一個又好睇,又好玩既網頁呢 ^^