6 時光倒轉30年 - 海防道臨時街市

我上有高堂，下有狗仔，做唔到chiukit兄咁玩命搵景點，都係介紹ｄ平時大家都會見到，但又可能未去睇過既地方俾大家啦！

 

尖沙嘴海防道臨時街市，臨時左35年，係一個好多香港人都曾經經過，但又未必入過去既地方，我就係其中一個大鄉里。大大話話經過幾十次，但都未入過去，究竟裡面有ｄ咩？真係好神祕，就等小龍我今次帶住大家，一齊今日入去睇真ｄ(唔知呢句，會唔會唔小心，洩露左我既年齡呢 =.="")！揭開佢神祕既面紗！大家跟好，唔好走失呀！

 

 

海防道臨時街市入口：

由地鐵站A1一出轉右，過馬路，再轉右直行，行唔使1分鐘，認住呢度門，實無去錯！

 

 

門前花店迎接：

唔錯，唔錯！一進入海防道臨時街市，就聞到強烈既花香，原來入口就有兩間花店迎接緊你！

 

 

街市內部：

有水果檔、牛／羊肉檔、蔬菜檔等，真係好似去返八、九十年代既街市咁。有兩樣較為特別。

第一，就好似報章報導，空置率達40%，唔係太多商戶開檔，好多關左門。

第二，香港真係一個多元化既社會，一半檔主，係由中東人所經營，係d中東既人去幫襯？

 

 

 

 

 

熟食中心：

有幾間熟食中心，應該是午飯時間，加上裡面既價錢都比較實惠，裡面坐無虛席，人山人海，一位難求。裡面食肆既烹調方法又好特別，真係有80年代大排檔既feel，如果攝影高手森兄或秋兄影下，應該會影得好正！

 

見報章介紹過，裡面的豬扒麵及「發興茶檔」賣既馬來西亞咖央多士，也很好味，今次人太多，找天再去試一試。