9 挑戰荃灣針山之巔 (城門水塘之旅)

針山，呢世人行得最多次既山，行左起碼五、六次。

第一次行山，行針山；帶初次行山既朋友行山，行針山；六日想做下運動，又唔想計劃，都係行針山；將來有小朋友，又帶佢行針山，貪佢方便、易去、易行，又有d大自然風景睇下，行全程都係用3-5小時左右，半天大自然運動首選。

約埋成班朋友係兆和街搭82小巴，由城門水塘，車程約20鐘鐘，車資$4.5

話咁快就從城市去到郊區，香港一大方便之處

開始起步，向城門水塘出發，基本上得一條路，唔會行錯

行十分鐘，到城門水塘，天氣唔錯，有太陽，唔猛烈，呢種天氣行山一流

沿途有好多馬騮仔，一ｄ都唔怕人

溫馨場面，唔使做，日日休休閒閒，做馬騮都唔錯～

沿途有清晰既指示牌，呢個做得真係唔錯！

新界、九龍人，就係飲呢ｄ水大？

沿途好多小昆蟲

來到麥理浩徑第七段起點，正式向針山出發！

針山高532米，一路都好多樓梯

行、行、行，都仲係行緊樓梯，不過行一陣樓梯，又有一段平路，所以都唔算好辛苦

行到山腰，望返城門水塘，又係另一番風景

來到針山山腳啦！嘩，雖然係星期日，唔使咁多人呀，成條山路都係人....

行山路，我覺得仲無行樓梯咁累

行左半個鐘，終於到左針山山頂，拍照留念！

登上針山之巔，大熱天時，開盒雪糕慶祝一下！Yeah~

在室外放左五、六個鐘，仍然結冰，當年阿Sir教「報紙保冷法」，堅呀！保冷程度 = 報紙層數

食完雪糕，有氣有力，一齊落山

落山路易行，風景都唔錯！

見到呢個路牌，又係時候講bye  bye，差唔多到終點，全程hea行，影下相，休息下，用左4個鐘