搵食@一品雞煲皇

香港人好中意食雞煲。

全港都開左好多間食雞煲既店鋪。

呢間叫一品雞煲既小店,我就幫襯左好幾次。

位於土瓜灣的呢間店鋪,座位寬敞舒服,係一眾朋友聚會既好地方。

哈,來此店我唔介紹大家食雞煲先,食咩哩?

食魚!仲要係刺身!

係了,就係呢條鱆紅魚!

刺身唔止一種,但我地就選呢種新鮮即劏即食既鱆紅魚,一魚兩食!

一味梗係刺身啦!

刀功了得,片片差唔多厚度,因為新鮮魚劏來食,味道超鮮甜!

另外魚身魚骨就來椒鹽,辣度岩好,香口美味!

一魚兩味,價錢在630元左右,當然要人多先好食啊,

因為魚好大,一兩個人食唔晒架!

好味,入正題食雞煲!

呢度既雞煲辣中帶麻,如唔食得麻辣既人士,最好唔好食啦!

當雞煲上台,開火煲一煲十分鐘左右,就要熄左火食雞啦!

因為之前D雞先煎左來煲,所以味道好香口!

另此雞煲有D偏甜,可能唔係好多人中意,但我就覺得好好味!

特別係雞煲里邊既洋蔥,同朋友一起經常爭來食

食左一半雞煲,可以叫侍應加湯水打邊爐,中意食咩就叫咩啦!

火鍋料同其它食肆既差不多一樣,不過材料更新鮮!

如唔食辣既人士,可以叫澳門豬骨煲,大大煲,材料實足!

除左有火鍋,還有小菜或是炒飯,呢碟海鮮炒飯都非常好味!

食雞煲熱辣辣梗係要飲野,介紹此店非常有特色既凍檸茶俾大家!

有咩特別?就係特別大囉!

28蚊一杯,同隔離既普通杯相比,你睇下大幾多!

一杯夠晒!

而我就好中意飲鹹檸七!

如有興趣既朋友,可以前往一試!

十人以上先可以BOOK位!