9 美荷樓呼吸冰室 ～ 呼吸不一樣的懷舊氣氛

參觀完美荷樓，剛好中午時間，估不到星期日下午，呼吸冰室竟然沒有什麼人。不過吃了一個太豐富的早餐，決定先轉戰旁邊的JCCIA 賽馬會創意藝術中心，下午茶時間再回來。

回來時，就變左人山人海，等了好一會才找到一個合適的位置。

不過當中也發生了幾個小插曲。

好不容易輪到下面一張三人枱，我去購買食物時，店員和小龍女說：「你好！由於呢張係三人枱，不如我幫你調過去另一張枱呀。」結果，當我叫完食物回來時，小龍女就在一張細小的四人枱，和兩個陌生男孩同坐。(回來時，我還以為遇到熟朋友，一起坐呢)

呼吸冰室食物及環境不錯，人潮不斷進入，也令座位及店員有點緊張，在取食物時，聽到其中一個店員對另一個店員說：「你同果d坐係度，無食野既人講，呢度既位係優先俾食野既人，如果食完，唔該離開。」放眼望去，確係好多人，食完在閒聊，香港地小人多，要營造台灣咖啡店優閒的氣氛，著實不容易。

 輪候了十多分鐘，還未有任何食物。對面兩個男孩，率先離開。這時候，另一個店員又來啦：「先生！唔好意思。」

心裡面諗「又想點呀？」

店員：「因為你坐緊呢張係四人枱，不如我幫你調去另一張枱呀。」

我：「下？又調，頭先我先係對面既三人枱調過來喎。」

店員(面露驚訝及難為的神色 - 可能我心情不佳，總覺得他表情有點造作)「咁奇怪！不過，先生，唔好意思，因為今日真係比較人多，座位緊張，可能要麻煩你再移一移位。」

我(心裡面諗，人家工作不易，能幫的就幫一幫吧)：「好啦！今次調去邊？」

一起身，店員迅速安排左四個人坐左我地個位，帶我地去左另一張... ...四人枱>,<

一坐低，我男性的本能，就提示我有危機的感覺。難道這是店方安排的局？想考驗我？對面坐了兩個年輕貌美的少女，大家距離非常接近，只有一個手臂多一點的位置，腳伸前一點就碰到大家。熟朋友聊天沒關係，陌生人嘛，特別是小龍女在旁邊嘛。望前面絕對是死罪，望下面看人家的短裙/美腳，更是死罪... ...四人位的枱，根本和三人枱的尺寸是一樣的，細到差點連食物也放不下...

所以嘛，這餐下午茶，我一直專心望著食物，欣賞食物的味道，幸好食物的味道確不錯。

又等了十多分鐘，終於等到食物來了。率先來了一個呼吸漢堡配薯條($55)，不知有沒有大仁兄提到的石硤尾賓墟快餐廳的漢堡包咁好味，不過這個漢堡也著實不俗，充滿牛肉味和肉汁，不錯！

厚切法蘭西多士($25)，不過不失，一件很正常的加大碼西多士。

蜜桃錫蘭紅茶($25)，炎熱的夏天來一杯冰凍的蜜桃紅茶，無得頂！

部份食物及價目表，俾大家參考下：