籮箕灣露營營地

籮箕灣營地 位於水口村南1.5公里的籮箕灣畔，擁有美麗的海灘，水源充足，這裡不但風景怡人，還是一個交通方便的理想 營地 。籮箕灣 更是一個美麗的海灣，風景怡人，沙灘海水清澈，灣內的礁石地帶最適合釣魚活動。籮箕灣營地 適合初次體驗露營人士。以下係探險家《Aiinsky》為大家作出既實地報導：「籮箕灣'桿''釣&食魚宴」復活節第二日假期,去左大嶼山籮箕灣釣魚。去到東涌巴士站,哇,好多人,等車都等左40分鐘先上到車。(PS:有兩架車可以去到,一架11號,一架23號,11號平D,所以多數等呢架)坐左20分鐘左右,到左水口村村公所落車,沿著呢個牌走去。是日天氣炎熱,去既時間又係中午,真係好曬!下車後在橋這邊左轉,走去籮箕灣。要走一段山路先可以去到。這個就是籮箕灣了。去到此處已是下午的2點多鐘,因為比較偏僻,所以來既人唔係好多。一望無際既海,有無魚釣哩?去到搵地方釣魚,唔係沙灘上釣,而係走去石頭搵地方垂釣。行嗰時有時要手腳并用,唉,都唔明D男人,釣魚啫,點解要甘辛苦,仲要冒著危險!!!我地攀過呢塊大石頭終於搵定一個釣點。幾經辛苦,行到好出既岩石邊,放桿垂釣。天氣好熱,真係好佩服中意釣魚既人,可以冒著太陽,企幾個鐘,就係甘乾曬!姜太公釣魚,願者上鈎,甘大個海,而且係甘靚既海水,釣左一兩個鐘一條魚毛仔都釣唔到!不停既換位,始終都係得個''桔''!真係桿(乾)釣!我呢,就搵個陰涼既地方,食下野,睇下風景,訓下覺!睇下,呢個石頭似唔似張櫈?呢個係營地,假期好多人來露營。呢個石頭,像唔似隻鴨仔?在太陽底下暴曬左三個鐘,連魚毛仔都釣唔到,四點鐘走人囉!我地釣魚嗰時,已經見到前面岸有兩個後生仔都在釣魚,唔知佢地有無釣到哩?呢一日我地釣唔到魚,但一樣有魚食,點解?因為有朋友俾錢坐船出海釣大魚!(多謝朋友提供既相,因為肖像權問題,只好打格仔俾大家欣賞)可惜呢次釣到既唔係大石斑,而係鱸魚。一條都有十幾斤重!朋友將一條十幾斤重既鱸魚,拎去長沙灣嘉豪酒家整,是晚係酒樓度食魚宴。一魚整四味,第一味係酸甜魚尾,你估下魚尾有幾長?有一個成年人既手臂既長!(查看詳細攻略內文請按此)