海防道臨時街市

尖沙嘴海防道臨時街市 係一個好多香港人都曾經經過，但又未必入過去既地方，我就係其中一個。大大話話經過幾十次，但都未入過去，究竟裡面有ｄ咩？真係好神祕，等我今次帶大家入去睇真ｄ！揭開佢神祕既面紗！  海防道臨時街市 入口：由地鐵站A1一出轉右，過馬路，再轉右直行，行唔使1分鐘，認住呢度門，實無去錯！ 門前 花店 迎接：一進入 海防道臨時街市 ，就聞到強烈既花香，原來入口就有兩間 花店 迎接緊你，感覺唔錯！  街市 內部：有水果檔、牛／羊肉檔、蔬菜檔等，真係好似去返八、九十年代既 街市 咁。有兩樣較為特別。第一，就好似報章報導，空置率達40%，唔係太多商戶開檔，好多關左門。第二，香港真係一個多元化既社會，一半檔主，係由中東人所經營，係d中東既人去幫襯？     熟食中心：有幾間 熟食中心 ，應該是午飯時間，加上裡面既價錢都比較實惠，裡面坐無虛席，人山人海，一位難求。 見報章介紹過，裡面的豬扒麵及「發興茶檔」賣既馬來西亞咖央多士，也很值得試試。