Fiat Caffe

Fiat Caffe – 汽車咖啡店 是間以 汽車 為主題的 特色餐廳 及以意大利菜為主的 主題cafe 。Fiat Caffe 門口搶眼的放置了一大部的車，而另一邊磚牆上播放不同的賽車的片段。當中來到 Fiat Caffè 必一定要試試 餐廳 內的的手造意粉和薄餅。而作為一間以汽車為主的咖啡店，除了有很多同牌子的紀念品售賣，必然有不同有關汽車的周邊產品，因而餐廳內設有專賣架，陳列出不少T恤、玩具車、背包等等的周邊商品。以下係探險家《山區麵包王》為大家作出既實地報導：「Fiat  Caffe：一飯之因」第一次幫襯「快意」喺銅鑼灣店，其中一道米形意大利粉叫小弟最為難忘，本來一直有想帶老婆去試嘅打算，不過，年復年一直未成事。卒之，見佢銅鑼灣店結業，搬咗過嚟尖沙咀，位置對我倆就更加就腳，所以，趁佢生日，帶嚟慶生食餐「飯」。比起銅鑼灣舊店，尖沙咀店大好多，感覺更寬趟。而紅黑喺快意標記，所以，餐廳內都以此為主調亦自然不過嘅事，整體裝修簡單俐落，沒有太多修飾。門口直入，有多張4人卡位，而門口兩邊，亦有多組2、4、6人枱。記得舊店全場都喺膠櫈，而新店則全用上皮椅，自然較為坐得舒適。作為一間跑車 / 房車生產商，必然有好多周邊產品，所以，店內設有專賣架，陳列唔少T恤、玩具車、背包……等等。此外，既為餐廳，跟飲食嘅相關產品亦有售賣，就正正放晌入門口個凍櫃之中，包括：蛋糕、朱古力、自家品牌汽酒……等等。餐牌亦以一紅一黑為對襯，紅色餐牌講食，而黑色餐牌講飲。講食嘅餐牌分門別類列出頭盤、餐湯、沙律、意式烤麵包、精選主菜、意粉 / 燴飯、特色薄餅、意式三文治、甜品及兒童餐，由於星期六（日及公眾假期）無午餐供應，只有從大牌中散叫。香芒大蝦沙律 $128超巨型嘅虎蝦絕對喺焦點所在，亦喺道菜賣咁貴嘅理由，虎蝦煎得芳香，蝦肉爽口，唯蝦頭未完熟，嘥咗少少肉；伴碟除有沙律菜伴檸檬香草汁之外，另一邊有唔少芒果粒及牛油果粒，亦喺因為老婆鍾意食牛油果先點依份沙律，沙律菜頗新鮮，清新咬落索索聲，牛油果夠熟，芒果亦夠甜，不過，餐牌明明寫住成份有蟹肉，卻完全食完都唔覺有。未完熟嘅蝦頭意大利脆煙肉煎蛋拌黑菌烤麵包 $784款意式烤麵包中，揀咗有廚師推介嘅意大利脆煙肉煎蛋拌黑菌烤麵包，其實第一次到訪Fiat都有試過，所以都想老婆一試。意式烤麵包（Bruschetta）喺以生蒜擦磨表面再烤烘嘅麵包，配以橄欖油及簡單嘅佐料。黑專包好有粗獷味，質感帶煙韌，包面配上意大利煙肉、流心蛋、蕃茄醬、黑松露醬，煙肉唔喺平時幾十蚊包好多肥膏嗰隻，喺無乜肥膏，煎得香脆，淨食相對鹹少少，但配包啱啱好，煎蛋流心效果突出，烤包沾滿蛋漿、蕃茄醬、黑松露醬，真喺一流。燴意大利肉丸配米形意粉 $108可以話喺主角出場，米形意粉依然喺令人食得口感過癮，明明似飯粒，但喺意粉嘅口感，不過，今次食落感覺油咗啲，雖然話橄欖油喺健康嘢，但一來觀感唔喺太好，二來食過量亦無益；燴肉丸超大粒，肯定大過個乒乓波，自家手製，內裡混入唔少肥豬肉，入口好鬆化甘香，口感粗中有細，不過，有啲人就覺得唔健康喇；而蕃茄汁好正，酸香鮮活，有著濃濃意大利風味。榛子鮮奶咖啡 $40因為只得兩個人食，所以，老婆嗌飽就無再點甜品。不過，小弟還是想臨尾飲番杯咖啡，一杯榛子鮮奶咖啡，雖然份量有點少，榛子味亦都唔強，但咖啡醇香，奶泡打得柔滑，輕輕鬆鬆兩口子嘆一頓午飯，份外寫意輕省。再嚐個米形意大利粉，仍然有份驚喜感，老婆都讚佢得意好食。相信睇到依度，你都明白個標題何解叫「一飯之因」，而唔喺「一飯之思」，實質只喺為再次試個「飯」而嚟。所以，令小弟又想番起，有時食到好嘢，總會好想跟人哋分享，大抵就喺寫食評嘅其中一個原因。個人評分味道：7/10環境：8/10服務：7/10抵食：7/10平均每人消費：HK$195餐廳資料：Fiat Caffe尖沙咀彌敦道132號美麗華商場B1樓B1018及B1023號舖2808 4777=============================================感謝 山區麵包王 提供以上資料山區麵包王的網誌: http://garycwm.blogspot.hk/=============================================