名門私房菜

名門私房菜 位於灣仔灣仔道83號2樓，是家以廣東 粵菜 為的 私房菜 ，而且亦有 海鮮 類食品可供客人選擇，其用料及份量都相當重手，因此受到不少客人歡迎。以下係探險家《May姨blog》為大家作出的實地報導：「再訪名門」呢間野，我以前都食過一次架啦，見佢都幾光猛企理，就帶埋D家姐黎食。$988 八人餐 + $200 (加一)，為起上黎百五蚊位啦。冬茸瑤柱燕窩羹，不過不失啦。冰鎮鮑魚(我冇影到佢未畢既樣，幅相係由佢地網頁轉貼既)呢幅先係我影既，都好細隻下。整體黎講，得呢樣走咗樣唧，其餘既菜式，實物同佢提供既宣傳相片差不多。 藕盞鳳翅球，呢碟好味呀。金針雲耳蒸豬爽肉食剩好多，唔係佢唔好食，而係覺得要配白飯先夠正。(反正我地有一個人甩咗底，食唔晒就打包啦。)煎釀鯪魚，呢碟都唔錯。上湯菜遠砵酒焗桶蠔，我唔鍾意食蠔既，都意想不到地滿意。梅菜肉碎炒飯，估唔到呢一大窩炒飯，先係最精彩既。睇佢成煲啡色，原本見到就唔開胃啦，點知食落口，夠香，又唔咸，個熱辣辣既日本砂窩應記一功呀!蛋白杏仁茶，我又冇影，都係偷返黎既。但印像中比起上次黎食仲正D。少咗張嘴幫口，梗剩好多野啦，呢個膠盒係高身既，裝到滿滿呀。 最值得讚既係，我地雖然訂咗六點半檯，Bibi晏咗放學，趕唔到黎，我地HEA到七點幾先開始叫起菜，侍應都冇黑面，可能星期一既booking唔係咁滿掛。我地食完，仲坐多陣，八點半過後先走人。