鍾菜 Chung's Cuisine (赤柱店)

鍾菜 在香港有數間分店，是家以 中菜 為主的 餐廳，提供不同的小菜及燒味類食品，不論是 晚飯 或午飯都可，是赤柱一個較優質的 中菜 食府。以下係探險家《AboutFood》為大家作出的實地報導：「赤柱 - 鐘菜」來到赤柱可以食野嘅地方似乎好多但頗多價錢都唔平，剩底較平的似乎得麥記同市集旁一些巷仔的細餐廳，由於這天是平日關係，所以選了鐘菜。它星期六、日價錢相當貴，一碟點心閒閒地都要三十幾四十蚊起，而星期一至五點心就全日半價，價錢同外面屋邨酒家正價差唔多，不過佢又免茶免加一喎。鐘菜其實是稻香集團其下一間較高級酒樓，去年初也曾經幫襯過一次，由於門面大坐近門口有機會很多麻雀飛入來同你爭野食。這次再去服務明顯差了，待應變得更冷漠，而點心籠由全矽膠製好多改返用竹製，個人覺得竹製更好更有飲茶的那份情懷，亦不覺矽膠蒸籠為較衛生或新派高檔。講返食物，點心選擇唔算好多，水準一定比一般的稻香好但唔可以話好好，只是點都對得往半價後的價錢有突，而正價就顯得唔值。點了的醉雞味道可以雞幾滑，酒道算夠。燸米飯就好行貨唔算好食，好多普通的酒樓亦能做得更好。鳳爪幾大碟，用的雞腳本身是較好較厚肉那類加上醬料幾好幾野味，唔錯唔錯。其它的小籠包及糕點等亦屬正常預期之水準。整體最大問題又是頗鹹了些。  點解最近食野經常出事?菠蘿叉燒包又出大問題，表面睇落都無乜唔妥，但咬落去就出晒事，個包重係生架，麵包的粉團仍然是糊狀明顯未熟，講過好多次這類搓出來的中式粉團一定唔可以唔熟否則有衛生問題。結果當然是換過，廚房全部返焗然後俾過碟新的，奇怪的是為何之前沒有人投訴，莫非照食?