益新美食館 Yixin Restaurant

益新美食館 位於灣仔軒尼斯道48-62號上海實業大廈地下及地庫，是間以中菜為主的餐廳，適合家庭聚會及見客應酬。以下係探險家《concon煮意》為大家作出的實地報導：「4月之星飯聚 - 益新美食館」4月之星飯聚 - 益新(飯店)美食館好耐無黎喇 ! 貪新忘舊, 係咪真係人類0既特性呢, 真係唔知, 我淨係知有好野食0既地方, 我都會掛住佢 !燒鴨好正, 皮脆肉嫩, 多汁, 味道啱啱好, 唔會好咸.煙薰倉魚, 講真, 雖然個個大讚, 但係唔係我柸茶, 所以我黎講, 對佢作出評語, 好似唔太公平 !生菜包鴨崧, 我好鬼鍾意食呢味野, 我逢係用生菜包住食0既野都好似特別鍾意, 可能咁食會無咁油膩感啦 !呢個都係清清地, 唔錯, 竹笙扒芥菜胆!蝦乾吊片粉絲煲, 夠乾身, 香噴噴 !呢個炒肚尖, 爽脆 !福建炒飯, 我唔太鍾意佢好多汁, d 汁杰杰咁 !係呢個差d !又係尾聲時間, 都係我鍾意0既壽包, 我食完自己嗰個, 又食咗人地半個, 哈哈!杞子桂花糕, 清清甜甜咁, 都OK啊  !剛剛食完呢餐, 我地又諗緊幾時再聚食下一餐, 真係好,大家都係同道中人, 喜歡周圍食 !