(已結業)Tiffani Patisserie

Tiffani Patisserie 以浪漫夢幻的風格為主，店內出售馬卡龍、迷你蛋糕、杯裝蛋糕、藍莓芝士慕絲、木糠布甸、迷你鮮果撻和人氣芳妮蛋撻。Tiffani Patisserie 甜品可用婚宴或生日派對或公司派對大量訂購。以下係探險家《山區麵包王》為大家作出既實地報導：「Tiffani  Patisserie：少女蛋撻」食友對小弟蠻有心，經過Tiffani Patisserie推出咗一款「芳妮蛋撻」，趁晚上飯聚都「專登」送上兩件俾小弟帶點家，同老婆好好分享依份宵夜。咁究竟「芳妮」喺乜水？Tiffani Patisserie可以話喺Fullhouse Signature嘅姊妹店，餐廳以一個一家四口（Thomas爸爸、Tracy媽媽、Tiffani姐姐及Tony弟弟）家庭為主題，Tiffani Patisserie好明顯就喺搵咗家姐做生招牌。包裝盒非常之少女風，粉紅跟白嘅直紋間條，本身就喺Fullhouse Signature嘅招牌簷縫標誌。而每件蛋撻以「度身訂做」嘅透明膠盒載住，盒面更印有Tiffani嘅可愛樣子，不過，奇怪在個膠蓋跟個盒喺冚唔實，皆因件蛋撻本身高過個腸盒！匙羹亦好得意，匙羹頭喺Thomas爸爸個嘜頭。除膠盒外，就連個蛋撻都熨咗Tiffani嘅樣，仲維肖維妙。蛋撻一向都喺新鮮出爐最好食，所以，隔咗好幾個鐘先食，一定大打折扣，蛋味一般，蛋心唔算好嫩滑。不過，蛋撻外層仍感到鬆化，只欠一份熱辣辣時嘅酥香感。好多謝食友嘅心意，突然忽發奇想，家姐做咗蛋撻，細佬會唔會用嚟做個菠蘿包呢！個人評分味道：6/10環境：- /10服務：- /10抵食：- /10平均每人消費：HK$0（友人送贈）餐廳資料：Tiffani Patisserie尖沙咀金巴利道58-60號地下A舖2312 1386