点心代表 (尖沙咀店)

Dim Sum Icon 所有食物即叫即做 ，潮流點心食店，採用健康食材。以下係探險家《大仁生活》為大家作出既實地報導：「【食型DD】Miffy食咸水角紅蘿蔔 @ DIM  SUM ICON」約了老友吃晚飯, 想食型一點, 記得朋友W說:「TheONE開了一間幾潮嘅點心舖喎!!」今晚一於去食型啲啲.舖頭是開放式設計, 等位的坐椅十足Design Chair, 黑色主調, 7大幅潮人食點心的相...其實, 這裡似一間時裝店, 多於點心舖.不過, 明明記得幾個月前同樣位置是新開張的雪糕店喎, 想不到結業得那麼快.老友未到, 於是八卦的我又走去問問老闆Herbert, 可否傾幾句, 想不到他更帶我入廚房參觀.我最初以為 Herbert只是操控大廚行事, 原來他真的落手落腳操刀, 他說:「我真係識㗎, 我請個師父日日教我, 搓粉, 刴牛肉, 拉腸粉㗎」(真係睇你唔出喎!) 用了兩個月時間, 日日跟大廚學做點心, 終於第40日, 做至筋膜發炎, 「醫生話我搓粉用力唔啱, (你真係好投入喎...老闆), 係呀! 連我老婆都話我痴線」原來Herbert之前賣衫, 後來賣了盤, 查下查下發現賣點心更加好賺, 他笑笑口:「賣衫毛利大約5-6成, 造點心毛利7成呀! 仲無庫存呢...」(唔怪知得速食點心舖, 愈開愈多啦)Herbert為加強蝦餃王的皺褶效果, 特別一定要用狗牙刀修皮邊, 目的令蝦餃皮更玲瓏浮突. (你都真係幾攪嘢...好嘢!)朋友來到...可以開餐啦!! 我們點了春風得意腸...最初幾為是炸兩, 原來是腸粉包住原條春卷. (好嘢㗎..春卷皮仲係脆岳岳㗎!)狗牙蝦餃王, 原來配充滿瑤柱味的桂林辣淑更加正...(我就係聞到太香, 我其實敏感唔可以食蝦...忍唔住) 點解流沙包有趣得似有「好立克」味呢? 老闆聽到我說, 便答:「係呀! 我諗㗎, 我真係加咗好立克呀! 之前仲畀啲師傅話我唔正宗, 低能添」(唔係喎, 加咗好立克感覺強烈咗, 仲甜甜地, 幾正喎...話時話..如果我鬧我老闆低能, 我諗即刻唔駛撈喇!! Herbert 你E度仲請唔請人?)龍鬚鳳尾蝦真的無得輸. 嘩!絶對酒樓婚宴級數, 原蝦大大隻, 墨魚膠再用雀巢氹氹圈圍著, 其實我又再破戒, 好食的代價, 就要周身㾗, 最後要9秒9趕回家吃敏感藥.之後便是我最期待的Miffy食紅蘿蔔...不過, 點解棉花糖Miffy不見了X嘴呢? 原來老闆話:「本來個嘴係朱古力絲, 但因為效果出嚟手震震, 唔多靚, 所以改咗做果醬同無咗個嘴...」(哎呀!!無X都唔係Miffy喇!!)紅蘿蔔好好食...我意思扮紅蘿蔔的咸水角, 免治豬肉做餡, 不止Miffy鍾意食, 我一樣超上癮.$39一個荷葉飯, 以TheONE價錢絶對抵, 可惜這裡特色點心只有兩款...未夠由頭到型到落腳. Herbert聽到我們對話, 答道:「無錯, 我哋今個星期內會有另外四款超特色點心, 包你下次嚟, 一定驚喜」(吓! 你講真㗎? 乜我哋咁心有靈犀??)