759 Skyland (大埔超級城分店)

759阿信屋又有新搞作！繼早前開超級市場、百貨公司、茶餐廳及雲吞麵鋪後，今次決定大玩crossover將飲食購物二合為一。759在大埔超級城開759 Skyland。據知新鴻基地產（016）主動接觸759傾合作，希望其在大埔超級城落戶，但帶有條件，希望759提供較高檔次的品牌，不與現有品牌路線重疊。於是759 Skyland應運而生，除賣零食和759 Kawaiiland 美妝產品之外，759 Skyland將走輕食路線，兼賣三文治、意粉等小食，仿傚葉壹堂（PageOne）賣書又賣咖啡。以下係探險家《味之素》為大家作出的實地報導：「759 CAFÉ」大埔開左759Skyland,於是入去行下,好大間呀,入面除左有護膚品、衣物、玩具多元化的東西之外,內裡仲有間cafe,食物以咖啡、甜品&三文治等為主。水吧位。雖然食物選擇唔多,但見到個價,都幾吸引呀。CAFE坐的位置,雖然是小小的範位,但坐得都幾舒服,起係店內的CAFE,賣完野可來食下野坐下抖抖呀。窩夫格仔餅(配雜果伴朱古力汁),$35,最後揀左呢個,因為份量多,好似幾抵食,有5塊格仔餅呢,因為係即整的,熱熱地,口感好軟綿,而且唔太甜,都OK呀。食物同價格都OK,可以當係一個shopping之後hea下的地方。大埔安邦路8及10號大埔超級城B區2樓287-295號舖