一品雞煲火鍋 The Great Restaurant (荃灣眾安街73號店)

一品雞煲火鍋 在香港有多間分店，是家經常都有排隊人潮的 火鍋 雞煲 專門店，熱愛 打邊爐 的人士相信定必會喜愛 一品雞煲火鍋 的各類精選優質美食！以下係探險家《CharlisWorld》為大家作出的實地報導：「美味的雞煲@一品雞煲火鍋」04/12 又是屋企人的生日晚飯當天天氣轉凍二話不說就揀了辣雞煲 , 兩年前開始流行食辣雞煲時又是同屋企人食生日飯而試過一次 , 當時好誇張排隊的人龍十分長差不多要等一小時以上才有位 , 所以今次叫屋企人先去攞位先但又好好彩不是咁多人 ^^  新店的地方環境又大又整潔仲坐得好舒服添 !  ( 這照片只是某角落 )    先來一個 " 秘製雞煲 "  ( 今次一樣要了小辣 )  滾喇 ! 滾喇 ! 終於可以開餐但要先食晒啲雞先可以加水打邊爐  " 手切肥牛 " 睇就好靚因我唔食牛所以唔知好唔好食 , 但屋企人就清晒我諗應該 ok 嘅 !  " 羊肉片 " 打邊爐又怎可缺少羊肉片呢 ?  ( 大大片的羊肉又新鮮又好食 ) 屋企食羊的人不多所以我可以食多一點 " 正 " ^^  " 脆炸響鈴 " 這店的響鈴雖然不脆口但好食在沒有油溢味 , 而且仲食到新鮮腐皮的豆香味  " 蝦滑併墨魚滑 " 這店的蝦滑同墨魚滑又新鮮又爽口彈牙是必食推介  " 蒿荀 " 屋企人話呢個好好食但我就第一次試食都算 ok 嘅 !   " 炸魚皮 "  " 雲吞併水餃 " 呢兩款餃雖然細粒咗啲但都好好味 , 餡料裡的蝦都算新鮮大隻兼爽口彈牙 , 而餃皮又唔會話好厚  " 黑豚豬肉 " 我諗住大家只會食牛多所以只 order 了一碟黑豚肉比自己 , 這店的黑豚肉夠新鮮又腍滑用來打邊爐一流 , 所以不消一回便被屋企人清得七七八八  ( 下次要 order 兩碟先得 ^^ )  " 蓮藕片 " 蓮藕片好食呀 !  ( 碟子小小但原來都好多架 ! )  " 手打墨魚丸 " 墨丸一向我的最愛但不是度度地方都好食 , 好彩這店的墨丸都夠爽口彈牙啫 ! ^3^  " 牛肺 " 這是某些屋企成員的至愛我無試 , 但望個樣都幾靚仔我諗 ok 嘅 !  " 包心芝士丸 " 至於呢個芝士丸就是當晚主角的至愛  ( 用來打邊爐都唔錯架 ! )  " 脆皮芝士腸 " 不用說又是生日主角的至愛  " 黑椒牛丸 " 呢個丸我只是 order 比屋企人食自己就無食 , 所以唔好問我好唔好食呀 !  " 牛柏葉 " 屋企人就嫌呢個比較腍身唔夠爽口  " 生根 "  " 皇帝菜 " 細佬極力推介話呢個菜好食所以就 order 咗一客 , 我都是第一次食呢個菜雖然唔算特別好食但都 ok 嘅 !   生日飯不可缺少的蛋糕 明明大家都話好飽但都仲食得落呢個甜品  ( 六個人都消滅咗一半架 ! ) 你哋話甜品的吸引力幾大呢 ?