皇朝私房火鍋 King's Dynasty

皇朝私房火鍋 提供不同的新派創新菜式，是紅磡內特色私房菜火鍋店。亦是全港第一間海鮮蒸餾 火鍋店 ，海鮮蒸餾能讓鮮味百份百得以保存。一同來品嚐不一樣的火鍋滋味！以下係探險家《 Kawai 》為大家作出既實地報導：「♥海鮮蒸氣浴 ✿ 皇朝 私房火鍋店♥」天氣又凍啦!我呢個打邊爐怪又不停call人陪我,但事實,好多女仔都覺得打邊爐好麻甩,又熱氣,唔陪得好多次......上星期我朋友去左皇朝食飯,見到隔離枱個火鍋爐好過癮,一問之下,原來這裡是香港第一間有蒸氣火鍋的地方,感覺都幾得意,就約埋我地去試下呢個火鍋!食店o係巷仔入面,感覺比較寧靜,個人覺得比較難搵的終於人齊,店員都有輕輕解釋一下原理,我初頭都係唔明,只見佢o係鍋底放了一些浸過的白米,再放上一個有孔的鐵片,再在上面放上一片荷葉,著我們把食物分大小,放在荷葉上,蓋上鍋蓋計時,每種不同大小的食材都有不同的時間控制,響鬧秒鐘幫忙計時....先放上不同的貝類食材,時間大概都是2-3分鐘就可以,每一次鬧鐘一響我都會嘩一聲,因為係睇住佢地爆開殼!!花甲,沙白都係充滿海水味!鮮味滿分!!!正呀!!!!原來荷葉係令到有荷葉香,仲有隔沙的作用!令沙不可以直接掉到下層.....剛剛開口的貝殼,海水依然都在殼上,不要浪費喔!除了貝類,仲有瀨尿蝦,都係隻隻揀手,大小不是超大碼,但難得每隻都有蝦膏,而且時間控制得宜,只是剛剛熟,膏也是軟身的!花蟹也不是超大隻,但隻隻都充滿蟹膏,食的時候仲有少少流心效果!除了甲殼類,仲有雞件及鱔片,兩者都切得大大件,鱔片用胡椒作簡單的調味,滑溜的質感令我一食再食,雞件亦充滿雞油香,人口酥化,我同Mr.K 都係十分喜歡大概兩個小時,揭開鐵片就見到之前的米飯已經變成粥啦!粥水仲要噴到好似噴水池咁高呀!仲彈到相機鏡頭!So sad!!!!之後加左d 配料,例如生菜就可以食啦!!!亦可根據自己的喜好,加調味如胡椒,鹽等等用蒸氣煮的粥水口感軟綿綿,每一口都是海鮮精華,不過我覺得係咸左少少,原因是我們加了很多貝殼類的食材,而且有好大的蠔味,因為我一向不食蠔,所以觸感好強烈了!!如果下次再來,我應該會阻止身邊人加蠔....... 整晚的消費也是差不多300元,也沒有因為海鮮而推高價格, 整體也屬可推薦一試的皇朝私房火鍋店紅磡崇志街20號地下 2350-5050