是晚冇番奶奶到食飯，因為堂大哥個外母去世，我哋去咗靈堂。 七點到拾爺到達靈堂，爸爸今日負責收帛金，所以一早坐咗喺reception到，我同拾爺鞠完躬後，坐低冇耐，哥哥同肥仔都到喇，之後，大、細妹同媽媽佢 哋陸續到達。早喺星期六，我哋已經plan咗去完靈堂就一齊食飯，我負責揀餐廳同book位，因為當時大家打算七點半到離開靈堂去食飯，我知金滿庭玩兩輪 入座，第二輪成八點半先入得，所以冇打去book呢間(而且book都未必有位，呢間成日都好full嘅……)。上網search完一輪後，發覺都係得金船長食得過，於是就打去book。點知，噚晚媽媽打嚟話要食中菜……坦白講，我真係唔知有邊間好揀喇，我都唔熟嗰頭……加上之前問佢哋食乜，又唔話一定要 食中菜，喺facebook問佢哋book金船長好冇，又只係得哥哥覆ok，而家book咗，又話唔要，想點﹖！火都嚟埋，同媽媽講我唔負責搵餐廳就收 線。之後哥哥打嚟，話媽媽要食中菜，我話唔會book餐廳，哥哥都知煩到我，所以話到時先算。
今朝check facebook，細妹話媽媽話金船長ok，我估係佢知我嬲，加上細妹同佢講道理嚟，所以佢唔敢再咁多要求。但我已打去cancel 咗個booking，亦唔打算再book任何嘢！我覆妹妹唔會去book枱。到夜晚，喺靈堂到，細妹話媽媽自己打咗去金船長到book枱。
離開靈堂，姑媽跟埋我哋去食飯，姑媽好搞笑，同我一齊行時，成日叫我小心呢樣小心嗰樣障礙物，明明就係佢先係要小心行路嘅老人家，佢仲當我係小朋友咁土去提醒……
媽媽book咗六個位，因為大妹呢幾日個胃都唔舒服，佢同未來妹夫本來唔打算join我哋，姑媽亦係臨時join嘅，所以我哋即時加多三個位，好彩都有枱！
坐低後，個個只係睇餐牌，冇意見……於是我發板，決定pasta、pizza同其他小食嘅數目，再由佢哋揀每樣嘢要邊款。最後叫咗﹕
1. 金船長小食拼盤﹕只係食咗個蜜糖雞同魷魚圈，不過不失啦！
2. 金船長至尊薄餅﹕好普通……
3. 黑松露芝士夾心薄餅﹕佢哋話係新作，有三種食法，一. 就咁食，食一、兩啖都OK，但黑松露同芝士都好濃味，所以食多幾啖會滯……二. 點提子汁，係就係冇咁滯，但提子汁好甜……三. 夾沙律食，但啲沙律好乾……結論﹕呢道菜真係不值一試！
4. 車仔意粉 (扁意粉、香草醬、水牛芝士、煙三文魚)﹕車仔意粉係呢道嘅招牌菜，顧客可以隨個人喜好揀選自己想食嘅嘢，所以整出嚟嘅，都係自己所喜愛嘅！個香草醬幾唔錯，之前我同拾爺買番嚟嘅，都略嫌太鹹，呢個味道淡啲，我鍾意！不過，三文魚就少我可憐……
5. 黑松露意大利飯﹕都OK，味道頗濃，但未去到覺得好好食。
6. 鵝肝牛柳粒炒飯﹕牛柳粒好淋，鵝肝唔多但都叫有，炒飯冇特別……
7. 芝士漢堡飽 x 2 ﹕好味！同上次一樣，個包好鬆軟，入面塊漢堡好淋好juicy，全晚亮點！
8. ribs﹕唔得！雖然唔係好韌，但都唔係容易食嗰隻……
埋單$879，叫做試過呢到好多樣嘢，全部都普普通通，應該唔會再嚟幫襯喇！
P.S. 噚晚拾爺下廚，
============================================
感謝 honeyhinbaby 提供以上資料
honeyhinbaby的網誌: http://honeyhinbaby.wordpress.com/
============================================
