我 哋搭嘅係九點五十三分嘅火車，十二點零六分到達Koblenz Hbf train station，再轉車至Cochem，十二點五十六分到達。Weather forecast本來話呢個時候開始落雨，但落車後天氣仲算ok，有時有太陽添。我哋今晚住嘅酒店離火車站都頗遠，要行三十分鐘，所以我同拾爺一落車，確 定方向後，就趁未落雨，快快去咗酒店先。
終於，真係行足30分鐘，搵到酒店喇。拉喼上斜時，有一對couple都係朝住酒店方向，佢知我哋都去同一酒店，就帶我哋到門口，叫我哋等等。然後，佢用對 講機同酒店嘅staff講嘢，佢啲口音好奇怪，我只聽得明佢有問及internet嘅嘢，之後佢就同對方講有新住客，然後就叫我哋自己同佢講。呢個時候， 梗係英文好嘅拾爺出馬啦。拾爺同佢對話時，其實拾爺報咗自己個姓，但book酒店係用我個名架，我都未嚟得切糾正拾爺，對方已經開咗酒店門，然後，我行入 去睇到地下有個籃，籃上放有鎖匙，鎖匙又扣上有我個姓嘅牌，我估呢個就係我哋間房嘅鎖匙。聽到對方話我哋住三樓，拾爺就不斷問人要鎖匙，我即時show條 匙俾拾爺睇，然後對方就收線喇。哈哈，睇番酒店門口個牌，原來呢間酒店嘅staff係唔會露臉，有乜事就叫我哋用對講機搵佢，冇service可言，唔怪得收咁平啦！
冇service嘅酒店﹖
我就係喺呢個兜到拎鎖匙架喇。
拎到鎖匙後，我哋就捧喼行樓梯……上三樓……拾爺話佢book時有問過有冇lift，對方知道我哋有大喼，建議拾爺住一樓(有花園架！)，但拾爺想住三樓，所以佢有哂心理準備。
成層三樓我哋住哂！(一、二樓有兩間房架！三樓只此一間！)
酒店有kitchen，我哋可以自己煮嘢食喇！其實係拾爺煮……所以，拾爺見到廚房有咁多餐具，佢好興奮！
房間景觀
見 到仲未落雨，我哋抓緊時間出去玩，第一站，去Schloss Reichsburg。向住castle方向行行吓，拾爺見到有一路牌指示，就帶我跟住嚟行，但行行吓上山變落山……由於唔係好識路，我哋放棄繼續行，都 係入番town centre，由嗰到搵路上應該容易啲。
行番入town centre後，我哋見到有巴士上castle，唔想再花時間搵路，我怕會落雨，所以決定搭車上去。點知……車費好貴，要成€2.5一個……兩個人，幾分鐘就冇咗五十蚊，諗起都肉赤！
Cochem果然係酒區，走在街頭都會見到葡萄。
最 慘係……一落車，就開始落雨……佢早啲落雨，我係唔會上嚟架！亦都唔駛花呢五十蚊！點解我同拾爺會黑仔成咁﹖！落雨，令到我哋唔可以影到castle出 面，咁唯有入內參觀啦。旅遊雜誌明明話呢到有English嘅guided tour，但我哋去到問時，只有German……但會附上英文字一張……咁入嚟有乜為﹖！雨勢越嚟越大，我哋喺出面影幾張相，就走番落山。真係好白痴，用 五十蚊上嚟一陣就落番去……
拾爺問我知唔知呢隻係乜嘢嚟，我答青蛀，佢即時話錯……叫我留意隻嘢雙手，話有爪，佢其實係獅子嚟架喎！
由於雨勢唔弱，我同拾爺各自擔住自己把爛遮落山，落山後認住條路，聽日甚至後日朝早仍有時間去多次castle，冀望到時有晴天，等我哋可以補拍幾張晴空下嘅照片。
落雨又係乜都做唔到，只有……食！揀咗間餐廳坐低食嘢。
食客喺出面揀好蛋糕後，就會有店員送到枱上。
我哋點咗一份queen’s pie，一件蛋糕同tea。
Kännchen Tee (Früchtetee) (€3.8)﹕味道很淡嘅果茶。
食完嘢，喺餐廳外影多兩張相。
食飽飽，拾爺就帶我去搵網上提及出名嘅麵包店同凍肉舖，佢打算買嚟做今晚嘅dinner同聽日嘅早餐。
落吓雨，又停吓雨，但天色仍然陰沉……
搵到兩間舖頭，確定位置後，拾爺就帶我過河，到對面一間出名嘅mustard shop。不過……我一向唔鍾意mustard，所以，其實對店舖興趣不大。過河前，拾爺行咗入間souvenir shop到買遮，佢話把遮爛成咁，真係支持唔到喇喎。於是，我哋用€5買咗把遮。早知最後都捱唔到番香港要買遮，噚日喺Rothenburg就用€3嚟買啦，而家仲貴咗€2……
間mustard shop有好多唔同味道嘅mustard，仲有得試味，但基於衛生問題，拾爺唔敢試……而我﹖唔鍾意食mustard，所以都冇試。唔試味又點敢亂買嚟做 手信﹖呢個時候，我見到呢到有腸仔賣，心想買腸仔可能有mustard配，就叫拾爺問吓，真係有，就買一條嚟試喇。
拾爺揀咗石磨mustard，無論係條腸定係個mustard，其賣相都好衰……拾爺話個mustard味道有別於我哋香港食開嘅，要時間去接受……咁即係唔駛買啦！至於條腸(€2)，其實好普通……
行番過河，先到肉店買ham，店員唔識講英文，但好nice，俾我試味不特止，仲可以一塊一塊咁買！而且，又有另一個女顧客幫忙做翻譯，我哋最後用咗€1.82買咗四塊。行過麵包店，見到有好多flies……麵包又大大嚿，想買細啲都唔得……最後冇買到任何嘢。
番酒店前，我哋根據酒店info，先去supermarket買嘢。喺supermarket狂掃一輪後，就番酒店喇。
是 晚晚餐，拾爺主理！話說拾爺煮緊嘢食時，突然房間個fire alarm響個不停，應該係煮食時太大煙引致，嚇到我哋死咁滯！我哋驚呢到啲firm alarm會連接去fire station，於是即刻打俾酒店負責人，佢叫我哋自己熄咗個alarm，但我搵唔到個制……好彩，個alarm響到咁上下自己停咗咋！之後，我哋即刻開 大洗手間同房間個窗(廚房嗰個拾爺一早已經開大咗！)，先再繼續煮嘢食。
飯後生果！
============================================
感謝 honeyhinbaby 提供以上資料
honeyhinbaby的網誌: http://honeyhinbaby.wordpress.com/
============================================
