酒店lobby
去 到火車站，問問職員確認冇行錯platform，職員教路，原來上火車前要stamp吓張飛，噢！我哋之前都冇做過添……想起要向火車公司claim refund，要附上火車飛，張卡仲寫明一定要有坐班車至得，我估有stamp先證明到有坐，咁即係話，我哋應該claim唔到refund喇……
認住呢部機，上火車前stamp一stamp張飛！
跳上火車後，兩人就開餐！
左為拾爺嘅麵包，味道唔錯！右邊係我嘅ham，其實我係想同拾爺一齊食架，但佢原來唔食……我一個人一大早食咁多肉，有點兒那個……好彩最後，拾爺都食咗少少。
由火車站行去Château de Blois唔係用咗好多時間，去到Château de Blois都未開，只係……睇到佢個look，即時冇興趣入去參觀了……城堡外表唔吸引，就連出面個花園仔都一樣，個look已經唔得，仲要好多蚊蟲……
Blois火車站
往Château de Blois嘅路上。
無聊嘅我，一見到佢，即時用手塞住佢把口，哈哈！
Maison de la Magie﹕位於Château de Blois對面。展出著名魔術師Jean-Eugene Rober-Houdin嘅發明，仲會有魔法表演。不過……我哋冇入到去。
Maison de la Magie旁嘅樓梯，我見冇咩人行，但又有張長凳喺到，於是就同拾爺喺到玩影相。
離開Château de Blois，沿樓梯往下走，見到有間tourist office，於是就入去拎咗張地圖。有地圖，拾爺就唔駛睇我print嗰張google map喇。可以向Cathédrale St-Louis進發喇！上網得知去到嗰頭，可以由高處望到Blois嘅景色呢。
Blois其實係一個好值得一遊嘅地方，呢到係1429年聖女貞德集合大軍展開第一次出征嘅地方，古蹟處處。
終於喺呢間小店買咗嘢！係一盒四樽嘅cream，有唔同味道。難得個size可以放得入細喼，但亦只可以買一盒only……
經過長長斜路一條，終於到達Cathédrale St-Louis。喺教堂前，仲有一間好有趣嘅屋，應該係話兩間先啱，兩間屋位於街道兩旁，但屋主自建通道連接。
喺教堂前影完相後，見到有個入口，可以繼續向前，又唔知入唔入得……猶豫咗一陣，決定被人趕出嚟先算！(又一厚顏表現！)
好彩厚顏行咗入去，原來入面係另一遍天地！
Blois景色盡覽無遺！
入到去，可以睇到Blois嘅景色，好靚！我同拾爺即刻set腳架影相，影完一張又一張，影到唔捨得走！可惜……要趕火車……順帶一提，呢到有免費洗手間，解決咗燃眉之「急」，心情更為愉快呢！
離開呢個醉人之地，我哋回程取道河邊，一邊欣賞河邊景色，一邊行番火車站，寫意！
十一點五十分番到火車站，打算去附近超市買水飲，因為已經口渴咗好耐……點知，原來去超市要過橋，過完仲要搵……怕會miss咗火車，所以死忍……其實火車站內都有便利店，但其標價真係嚇死人！一支50ml嘅水索價€1.8，去超市買一支1.5L嘅連€1都唔駛，便利店賣到咁貴，我嗰刻雖然渴得要死，都買唔落手……
火車遲到，十二點二十分先到……但好彩，佢又準時十二點五十五分到達Tours喎。一落車，我即刻捉住拾爺衝去超市買水，1.5L嘅水，只需€0.58！
買 完水就番酒店去洗手間，之後又走番去超市買嘢食，因為一陣間要搭兩點零三分嘅火車去Avignon，我哋冇咩時間坐低食嘢，所以去超市買yoghurt同 車厘茄，喺酒店lobby食完就去趕火車。食完嘢，拎埋行李，一點四十五分到，我先去洗手間。酒店嘅洗手間唔喺lobby，而係要上一樓，經過長長嘅走廊 先到達。因為呢段時間少人(其實係冇……)出入，行去洗手間之路都係靠sensor感應到我嘅存在先有燈開，所以條路其實都幾得人驚……好彩我都係日光日 白咁去啫。
入到洗手間，鎖門一刻，我突然間喺到諗，間酒店咁舊，個鎖咁殘，如果突然壞咗，我被困廁格，一定求助無援，因為一樓根本冇人行 經。想唔到我唔駛開口都中……去完洗手間，一扭鎖，扭‧唔‧開！把鎖真係壞咗！我狂扭勁扭，用力扭輕力扭，咩方法都試過，就係開唔到門……睇住時間一分一 秒咁過，好擔心……我唔係怕出唔到去，因為拾爺知我去咗洗手間，如果我太耐都唔出現嘅，佢一定會嚟搵我，到時一定有人知，我只係怕佢搵得我嚟，我哋已經趕 唔上班火車，呢程車好貴架！每人六十幾歐，兩個人成千三蚊架喇，如果搭唔到，又要再俾錢買，我一定肉赤死！扭極把鎖都冇反應，我開始亂，因為呢到個洗手間 其實係男女廁嚟嘅，隔離嗰格係for男士，所以佢哋將我呢格密封哂，由上到下，完全冇隙縫……我氣管一向唔好，有時要吸大氣，而家被困密室，加上個人又慌 又亂，開始感到呼吸困難……我見扭鎖唔work，就開始大力拍門，大叫「救命」(當然係講英文喇！)，心底裡知道唔會有人聽到，但點都要搏一搏。過咗一 陣，都仲係冇人回應……我嘗試企上馬桶，開開上格個窗，想話開到嘅話可以嘗試爬到隔離個男廁格走，點知……原來嗰個唔係窗……佢只係裝修到好似窗咁架 咋……呢個時候，我已經驚到只係識得狂扭鎖狂拍門同喊……就喺我不停扭把鎖嘅時候，把鎖突然work番，開到門！一開門，我即時洗手，然後衝落 lobby。跑到梯間，見到喺lobby嘅拾爺正打算叫酒店嘅staff幫手睇住啲行李，我估佢見我咁耐未番，擔心我出事，想上嚟睇我。我即刻衝落去攬住 佢喊住同佢講被困廁格嘅事，當然都有blame佢做乜唔早啲上嚟，我最怕趕唔到火車。拾爺話佢有睇住時間，因為我頭先喺超市時講過肚仔唔舒服，佢以為我肚 仔有事，所以去咁耐喎……點都好，人安全就算喇。不過……不停扭鎖後，我隻手掌又紅又痛……不停拍門，手背嘅手指骨又係又紅又痛……
離開 酒店，順利搭上火車，準時到達Avignon個TGV站，但因為我哋間酒店喺central station，所以要搭多程巴士先到。上網啲人話一出站就見到巴士站，但我哋見唔到……有一男子見我哋迷迷失失咁，就主動教路。順利上巴士，呢程車都半 個鐘都唔駛。落車後，我哋就行去酒店。是晚住Ibis Avignon Centre Gare，酒店喺火車站隔離，非常方便！
呢間酒店嘅床寢室係成個trip最舒服架！
講到咁掂，結果我哋想要熱水壺都只能夠自己落lobby斟……完全滿足唔到我哋囉！
Settle down後，我哋就行入市中心搵食喇。每年七月，Avignon都會舉辦戲劇節，所以沿途有唔少posters或者係人肉promotors去宣傳唔同嘅drama，好不熱鬧。
胡亂揀咗間餐廳，就坐低食嘢，間嘢叫小尼斯，我哋一人叫咗一個set。
洋蔥湯 (圖上)﹕賣相好似幾唔錯，一兜湯加四樣嘢伴碟，但味道嘛……都係Paris嗰間整得好味好多！
魚湯 (圖下)﹕又係冇咩魚味……
Provencal cheek of beef﹕又係為咗「普羅旺斯」四個字而試，但味道嘛……只能讚佢啲牛整得好淋。
Chocolate mousse & apple cake﹕是晚甜品，好後悔冇揀雪糕……見到有大大球，感覺開心過我呢個漏到爆嘅mousse……拾爺個apple cake絕對唔係我杯茶，佢亦唔見得好buy。
原 以為今日已經黑仔咗，點知……食食吓嘢都中頭獎……唔好誤會，唔係雀鳥嗰啲，係附近有人叫賣螢光棒，呢到同香港一樣，有啲無良人仕一邊叫賣，一邊向上拋自 己啲產品，都唔知個衰人點拋，我明明喺餐廳範圍，視線範圍根本冇佢存在，佢都可以擲中我個頭！事後，只係嚟sorry兩句，就拎番啲嘢走，其實……我可唔 可以唔俾番佢呢﹖我真係好憎啲人亂咁拋嘢上天，知唔知咁樣會影響到人架﹖！
埋單€28。食完飯，同拾爺行咗一陣，就番酒店休息喇。
============================================
感謝 honeyhinbaby 提供以上資料
honeyhinbaby的網誌: http://honeyhinbaby.wordpress.com/
============================================
