呢 個trip嘅last day！噚晚忙住執行李，亞頭之前話想搵番中學時期嘅嘢，但到臨走之前一晚都冇著手搵過，uncle睇唔過眼，就拎出一袋袋滿裝亞頭回憶嘅嘢出嚟，亞頭睇 得好開心！有佢中學時期嘅成績表、校刊、佢之前提過大學時同同學搞嘅報刊，甚至係佢同佢hubby以前唱K啲相，佢哋當時好兩小無猜呢，個樣young到 都唔似大學生嘅。仲有好多哥哥啲相囉！亞頭睇到好陶醉，我就……眼瞓喇，去瞓先，哈哈。

朝 早，亞頭冇去醫院，佢話auntie一早被推咗入手術室，有排都未出到嚟，去到醫院都只有呆等，所以唔去喇。我哋叮番熱噚晚啲剩餸，食完，亞頭就陪我去買 Coach袋。行去商場時，我指俾亞頭睇嗰間DAVIDsTEA嘅所在位置，笑佢同我經過咁多次，都唔識帶我嚟買茶葉，佢話佢真係睇唔出呢間係賣茶葉嘅地 方……咁又真係幾唔似嘅，哈哈。

行 到去間商場，叫The Bay，我哋先行一圈，睇吓有冇嘢啱，呢到都有啲減價貨，但都唔係我杯茶，亞頭都睇唔啱嘢，就陪我去買個袋喇。臨俾錢前，我問佢哋有冇得退稅，佢哋知我係 遊客後，就叫我俾本passport佢，之後佢哋offer咗個85折俾我呀！嘩！亞頭一知有85折，就好積極咁行多一圈，但都係睇唔啱嘢。有咗呢個85 折，個人都心情開朗啲，雖然都係要二千幾，但慳咗二百幾蚊，點都覺得開心嘅。

離開The Bay，亞頭話點都要我食吓呢到嘅包，於是就去咗Tim Hortons到，買咗佢至愛嘅Boston Cream Doughnut，原來呢到啲doughnut好平架，一蚊加紙都唔駛！早知我之前就唔捱餓捱嗰啲長麵包啦，買doughnut食都夠飽！

番 到亞頭家樓下，冇lift上樓……兩部lift都做緊測試，我哋呆等咗十幾分鐘，期間有人唔想等，想行樓梯，但好似樓梯唔通……(火燭都唔知點算……)我 同亞頭趕住要去機場，所以都好心急！好彩我哋預鬆咗時間，部lift一ok，我哋就快快上樓，拎行李，再落樓。因為auntie入院，原本亞頭姐姐車我哋 嘅計畫被打亂，亞頭爸爸搵咗相熟看更車我哋，對方要求我哋俾番油錢佢(CAD $50)就得喇。

我 哋將行李拎到停車場，看更一早準備好車，之後就車我哋去機場。到機場後，亞頭就俾錢佢，然後我哋就去check in喇。之前我一直驚行李超重(因為CX好搞笑，佢係每個喼唔可以過20kg，但就不限喼嘅數量。)，所以亞頭就借出一個中喼俾我分散重量喇。亦因為咁， 我成功過關。

入閘後，我哋又去搵lounge喇，亞頭講得啱，香港嘅lounge供應嘅食物真係叫唔錯架喇！

同亞頭等上機時又傾吓偈，佢提到自己哥哥點對個大仔時，忍唔住講到喊……唉，我都覺得佢哥哥對個仔太harsh喇，希望個小朋友唔會心理唔平衡啦！

上機前，去洗手間，有以下有趣發現﹕

(我知有人去洗手間都會用電話嘅，但其實咁樣好唔衛生……)

好！上機喇，今程機15個鐘，冇cut到時間……我不斷睇戲，都有恰吓，但瞓得唔好……但好慘，前面個人將將凳推後，我睇得好辛苦……呢程我完成埋套The Descendants佢，仲睇咗Midnight in Paris同My Week With Marilyn，睇In Time時，睇到好緊張，就喺剩番最後17分鐘時，部機要準備landing，冇得睇……

呢程機landing時，會喺香港14號夜晚，我估自己番到去都未必有胃口食嘢，所以落機前，整多個杯麵！

人生叫做到過吓加拿大啦！但再嚟嘅機會應該唔大喇……都係要用咁多錢，我鍾情歐洲多好多！