最後一日留喺Cocoa Island，萬般不捨……
六點鬆啲紮醒，起身睇多次日出！唔知係咪冷氣太勁，三部相機一出房都起哂霧……搞到影出嚟嘅相都濛濛瀧瀧咁……
影完相，又番上床瞓過，嘻。然後起身，食最後一次喺Cocoa Island到享用嘅早餐……
(拾爺拎嘅，應該係水果，但唔知係咩水果……)
(有水果嘅麵包雖然甜，但真係鬆軟啲！)
(是日第三種果汁重覆喇！係第一次食早餐嗰隻，拾爺好鍾意飲。)
大部份有興趣嘅order food都食過，所以今日玩翻兜，首選當然係佢啦！
(Smoked salmon on rye bread with avocado, tomato and rocket﹕真係好好食！番到香港，我要自己整！整俾拾爺食！做個好老婆，哈哈！)
食完早餐，休息一陣，就陪拾爺出碼頭嗰邊再snorkel，今日十二點要還equipment俾Dive centre，所以要爭取時間玩呀！
(嚟咗咁耐，第一次見人玩水上電玩！)
拾爺snorkel到十一點幾，就上水，之後我哋就去咗Dive centre到還嘢喇。
還完嘢，又周圍hea吓！
(我哋今晚就要喺呢個碼頭到上船離開喇……)
最 後一日，用盡呢到嘅設施，我叫拾爺再去Hydrotheorapy Pool到玩吓，我雖然唔落得水，但都可以去浸吓腳嘛！同埋我記得上次嚟，嗰到除咗有水拎，仲有茶飲！經過上次做完yoga，有ginger tea飲後，我覺得呢個relax area係供應呢隻茶架！所以，我講笑話要入嚟飲番杯價值六蚊美金嘅ginger tea！拾爺又笑我計埋啲咁嘅數……
(好緊張呀，我估唔估得中呢﹖)
喺到玩完後，就慢慢行番房。拾爺想再喺露台出面游吓水！
(行到我最鍾意嘅水色區到，又見到好多條baby shark！)
拾爺游水期間，我就幫佢影吓相，同埋開始執行李喇！
(呢幾日儲儲埋埋嘅shower gel, shampoo同埋conditioner，拾爺笑我太瘋癲！哼！我笑拾爺看不穿！呢隻味真係好香嘛！)
拾爺游完水，沖沖身後，我哋又出發喇！去做spa呀！諗住以最輕便嘅裝束出發，但過於輕便，竟然唔記得帶相機去影吓間房……失敗！
兩點前準時去到，佢哋之前叫我哋早少少去，話要填form，其實張form好簡單，只係問我哋想要咩力度……填完form一陣，就有人帶我哋入房喇。冇得同拾爺一間房……
(後來補影番個外面，裡面就影唔到喇……)
入 到房，嘩！落地玻璃，望到出面個海架！負責幫我按按嘅staff問我駛唔駛拉開窗紗布，(我唔想出面啲人睇到我做spa，除哂衫架喎！雖然出面人唔多 啫……)所以話唔駛喇。佢叫我先換走身上嘅衫，著好浴衣再開門俾佢。我入房換衫時先發覺，所謂嘅換衫位，又係冇遮冇掩，出面有人行過就會睇到哂……搞到我 勁驚，快快手，背住個窗咁除衫……
換好衫，我就開門俾幫我按按嘅staff入嚟。佢先幫我洗腳，跟住，佢問我嘢，但我完全聽唔明……我聽 到佢話咩「madam」咁，後尾佢再講「soft madam strong」，我先知佢係問我力度係咪要medium。嗱，真係唔關我英文差事架！我真係聽唔明佢啲口音呀陰公！
洗完腳，我就伏喺張床到，佢開始幫我按喇。力度好ok！不過，我個鼻唔爭氣，每次伏得耐，我就鼻塞，所以瞓唔到覺……但一轉身，我就又可以enjoy過喇。
60分鐘好快過，咁就冇咗US$140(未計加一同6%稅)。
出到嚟，拾爺已經坐咗喺到。我明明話要飲水，但佢哋又係俾杯ginger tea我……問拾爺舒唔舒服，佢話ok，但嫌太快完……想點﹖加鐘好貴架！
番房hea到夠鐘！做完spa，醫醫肚！要快快食哂啲杯麵佢喇，去到吉隆坡，大把美食，唔駛捱杯麵lu！因為今晚要喺機上過夜，所以我同拾爺再沖一次涼先走，拾爺仲消毒埋個浴缸玩浸浴添！
Hea 到六點，萬般不捨也得離開……鎖好房門，慢慢推喼出去，行行吓，有staff推咗架車嚟收行李，原來佢哋封信寫六點鐘係luggage collection time就係呢個意思，我哋唔駛自己推行李出去，有人嚟收架！都係對韓國人啦，噚日見佢哋走時自己推，搞到我哋又以為要食自己……將行李交俾staff 後，我哋就輕輕鬆鬆去reception check out喇。除咗我哋，今日仲有另一pair一同埋嚟自香港嘅一家三口都係今晚走。我哋最先到，所以reception serve咗我哋先！Staff俾我哋揀而家找咗呢幾日嘅活動同飲食洗費，又或者八點鐘上船前拎，我哋揀即刻搞掂佢！反正都唔會再去餐廳幫襯。埋單 US$836，係一個令人好有motivation要努力工作賺錢，要賺番佢番嚟數目！
找清條數後，staff送上Cocoa Island贈我哋嘅gift！
我哋呢幾日出入房間嘅鎖匙，就係用呢隻鎖匙扣架喇！可惜，房號唔係825……但其實呢到根本就冇814號房嘅！
離開reception，同拾爺再環島繞一圈，由日落行到天黑。
四周黑漆漆，同拾爺決定番去reception坐。七點鐘，即刻啪番粒暈浪丸！
坐坐吓，有個staff走出嚟話我哋可以上樓上坐。於是，我同拾爺就上去喇。原來上面有個Visitors’ Lounge & Internet Room！好大！好舒服！
差唔多八點，就落樓，然後船到，一大班人就一齊行去碼頭上船喇。我同拾爺都好緊張，唔知會唔會係嚟呢到時候嘅遊艇呢！結果……
算啦！反正坐呢啲我反而唔會暈浪。
八 點八到，隻船到達馬累市機埸，同Cocoa Island嘅staff say完goodbye後，就同拾爺入閘。其實我記得呢個機場個lounge係喺出面架，但我又心急想入咗去先，所以都係先去馬航辦理登機手續，之後就入 去過關喇。想唔到出面甩皮甩骨嘅Male airport，入面都叫似番啲嘢，雖然唔係叫好，但可以俾人坐吓咁囉。我哋班機係十點九起飛，預計翌日六點二(吉隆坡時間！)先到吉隆坡，所以今晚會喺 飛機上過。
喺候機室，見到好多熟悉嘅臉孔。有同我哋同一間馬累市酒店嘅香港couple，亦有之前同機嚟馬代嘅couple，我估個個都係stay差唔多日子喺到架喇，有幾多人可以豪氣地住夠七個晚上﹖(雖然我好想！)
============================================
感謝 honeyhinbaby 提供以上資料
honeyhinbaby的網誌: http://honeyhinbaby.wordpress.com/
============================================
