遇上美味日式便丼~~沙田丼丼屋

今日收工一家三口去沙田

到達沙田就先搵食啦

但大家都知,而家沙田人山人海,好鬼恐佈既..

於是我地遠離沙田市中心先..

去左沙田中心個邊,人比較少...

路過見到一間食日式便丼既,就你啦

門口睇落幾吸引

一入去就有位..環境都唔錯呀

見到隔離枱食緊既都好似幾唔錯噃

我點左刺身盛定食

好豐富,刺身有一隻大蝦,兩片三文魚,

兩片帶子同兩片吞拿魚,都幾新鮮

另外有一個天婦羅蔬菜卷,本身唔太中意天婦羅既我,

又覺得都幾好食喎..唔會覺得好油,好膩

麵豉湯都好飲喎..唔係得個咸味

依個餐仲有飲品一杯同甜品~~雪糕

雪糕都好好食,勁濃雲尼拿,因為佢連雪糕入面都有雲尼拿籽架..

跟住到老公點既醬油吉列豬扒飯

一尼到..哇哇哇....勁大碗....好大塊豬扒呀

我梗係夾返舊試吓啦

一咬...醬汁味好香甜,好好味呀....

最神奇係..佢浸晒醬汁..但個面仲係脆既....

入面豬扒就好淋,好多汁...好好食呀...

忍唔住要再夾多舊...哈哈哈

睇返個飯...原來佢唔係丼丼屋既出品

係日本既明治亭,可能係讓出版權之類卦...

點都好..真係好好食...有機會一定再嚟!!