哈哈
我早前因為照顧一個朋友,啟發我對菜蔬方面既想法
一直想套用到加入肉類,所以我試煮意大利式既茄醬,加入牛肉碎
其實好簡單,意大利式係比較raw,用原有味道做醬汁
所以我用三個新鮮番茄,打成汁,唔落水唔落現成茄汁,就用新鮮番茄煮到濃縮做成茄醬,好味
加入少少蒜粒、鹽、少少糖調味已經成了
春天來到,那種熱焗感覺都回來
用番茄去調節身心靈吧
食譜:
番茄 3大個
蒜頭 1粒切碎
鹽、糖少許
另外牛肉用牛肉碎,加鹽、黑胡椒醃
洋蔥半個切碎粒
做法:
將三個番茄去輕輕界用刀晌表皮上界十字,放入滾水中約十五秒,撈起再浸冰水,就可以起皮
然後用Blender,打成蓉,我用Fissler個blender,基本上好快就成蓉
先爆香牛肉、加入洋蔥去兜,兜至半熟盛起備用
將番茄蓉。連汁煮起,越煮佢會開始變深色,加入蒜頭粒,煮到滾起加鹽、加糖,試味
然後將牛肉回鑊,做成肉醬便可以淋上預備好意粉之上
其實如果有新鮮羅勒葉會更好,但我買唔到呢!所以加少少番茜碎,如喜歡可以灑上少少芝士碎