每日最苦惱係…食乜春夏秋冬好？
真係好煩惱，我實在晌懷孕初期聽得太多呢樣唔得果樣唔得
但雖然我過三個月後有d話之你
不過…始終身不由己
今早直頭上網問：食乜好，好在咁多年來儲落唔少人，所以一問就有答案
我好可憐，已經好多晚半夜醒睡唔番，因為無啦啦鼻塞，完全通唔到
又唔敢用藥，薄荷膏都唔知用唔用得先慘
所以精神好差，皮膚又殘，慘不忍睹
唉…希望快d一覺睡啦！失眠已經慘，總要大肚先失眠
今日午餐有…滑蛋牛肉飯，雜菜煲雞湯
個牛肉用少少雪碧去醃，軟滑，我煮野無乜底線，但絕不能加d鬆肉粉、梳打粉之類，攪到d肉無味甚至怪味
有個朋友教我，飲雞湯肥胎唔肥媽，BB好吸收到營養，所以每星期總會煲雞湯
今次換另一隻味，雜菜煲，得左！
食譜：
其實用雪碧醃牛肉因為有梳打成份，可以將肉鬆弛，但又唔會似梳打粉咁將佢"拿"到無晒營養同味道
牛肉先加少少水比佢吸收，再加生抽、1/4茶匙雪碧或啤酒，然後加少少胡椒粉、生粉去醃
先兜一兜熟牛肉，但鑊要夠熱，一落油就兜，唔使等油熱，一轉色熄火兜起瀝乾油份
預備一碗水或雞湯，然後兩隻雞蛋，少放鹽同預備生粉水
先滾起水或雞湯，然後加生粉水，當水開始有少許滑度就放打發好既雞蛋，做成滑蛋汁
牛肉回鑊兜熟就可以淋上飯面呢
新facebook acct開始建立，慢慢upload上Fb、講飲、講食、講戰利品
仲會講祕密
============================================
感謝 大少奶 提供以上資料
大少奶的網誌: http://iamtaisiu9.blogspot.hk/
大少奶的FaceBook 專頁：https://www.facebook.com/taisiu9
============================================
