假日好節目: 小克美術展@德福廣場

商場係消費購物既好地方,但同時亦係假日消磨時間既熱門地點,最近位於九龍灣既德福廣場就搞搞新意思,同本地著名插畫師小克合作舉行美術展同一連串既活動,佢既聾貓公仔我都幾鐘意,所以上星期就急不及待去O左參觀啦..

一入商場就發現小克作品無處不在,最明顯既當然係呢幾個2層樓咁高既擺設啦,部份公仔仲可以郁動O架,好搞鬼!!!

之後就到我今次既目的地--德福廣場 X 小克MASS LANDING 2011美術館

場地唔算好大,不過佈置得好有心思、好靚...

好多出自小克筆下既公仔,我當然唔可以放過呢個機會影下相啦..

其中呢2隻仲係會郁O架....

既然係插畫師,又點少得歷年黎既作品回顧...

仲有不論係自家出既定係同不同機構/品牌合作既精品...

仲有O架聾貓號車擺O係度,入面有好大隻公仔,我地個個都要攬實佢合照,HOHO...

小克真係我係第一次見咋,佢仲即場抽出十多位幸運兒添,各自都得到聾貓精品O架,好可惜我地一行4位朋友都落空,不過有機會參觀同影下靚相都唔錯,咁就消磨O左我2個鐘啦,真係快樂不知時日過...

展覽日期由7月18日-8月28日..

逢WEEKEND用電子貨幣消費滿$600仲可以換領唔同精品!今個暑假不妨去睇下...