女人都係貪心既,雖則我對眼唔算細,但係若果仲可以大D靚D既話,相信唔會有人SAY NO;講緊既唔係去做整容手術整大對眼,而係獻出我既第一次試玩大眼仔COLOR CON....
O係網上店訂番黎既韓國品牌GEO COLOR CON,每對都附上一個CON CASE...
佢地網址仲有教點分真假貨O架!!!對眼咁重要,當然唔好搏黎買假野戴啦...
揭起金屬蓋之後,再開埋密封膠塞就見到對CON啦..
要倒晒樽入面D水,再用CON水捽10-15秒,最後用CON水浸至少6小時就可以用啦..
想分面同底其實都好容易,顏色較鮮艷既係面,較暗色既係底,即係接近眼球O個面...
素眼雖然都唔算細,不過戴O左可可愛美人(灰)WT-C25真係SHARP好多,細心睇佢仲有花花圖案,好特別,其實化淡妝已經好靚好有神,如果有場合去既就可以戴埋假眼睫毛....
只係搽O左粉同畫眉,戴O左大眼仔真係精神D...
化埋淡妝,其實已經好夠,對眼好似漫畫公仔呀!!!!!
再戴埋假眼睫毛,對眼真係大到爆,效果係平時點化妝都做唔到!!!
有O左佢,化淡妝已經好靚,雖然對GEO COLOR CON戴得好舒服,不過戴既時間最好O係6-8小時之內,靚之餘都要保持雙眼健康O架!!!下次我會試戴埋另一對CAFE系列,有興趣就要留意啦^^
