足料早餐 西式貝果三文冶 Bagel Sandwich

開左學一星期, 終於等到星期六喇！ 一起身就去雪櫃搵下有咩好食, 點知就搵到有貝果。

貝果(英文 Bagel) 外硬內軟, 通常佐以芝士忌廉。美國有好幾間出名的貝果店亦有賣貝果三文冶，貝果亦有好多唔同款味，有原味，有D有提子乾，芝麻，蒜蓉。其實貝果三文台可以自己配不同食材都會好配搭，我下次再整的話應該會試下加牛油果, 加埋三色椒應該會好有西班牙風味。

我反轉個雪櫃搵到以下既食材, 有蛋, 蕃茄, 火腿, 芝士碎, 我仲係今晚晚餐既食材中偷左一片青椒

我首先文貝果入多士爐烘熱, 之後用煎Pan 煎左片青椒, 係中間打左隻蛋, 等隻蛋唔會煎到一大塊扁撻撻。煎好後放上貝果。

將幾片ham煎好, 放上青椒和蛋上面, 之後將蕃茄切一片片, 放埋落Pan煎。我放好蕃茄後鋪芝士碎係上面, 放貝果落煎pan 烘後熱小小, 之後一野壓上個包到, 咁做可以等芝士溶左之後痴實個包, 唔會一路食一路跌。