技安小姐的豬...翻開夢想的新一頁!!!

7月10日係好日，男友生日之餘更是好友技安小姐的技寨D(2) Beauty開張大吉的日子。
為左就呢兩個咁重要既人，Yandy早上約埋Chalvy去賀技安小姐先。

話明賀呀嘛，緊係唔會兩手空空啦。

 
photo by 柑柑，我居然唔記得影底呢...orz...

我同Chalvy親手整左個花藍送俾技技，要屈佢放足一世!!!((好毒呀!!!
D花我摺左好耐架，Chalvy就幫手整靚佢，仲要加埋對襪仔添!!!
搵得Chalvy實冇甩拖既!!!

仲有兩朵白色既係Blogger想學摺所以Chalvy黎左個即場教學。勁呀!!!

唔止咁簡單架，仲有登登登!!!

Yandy既賀圖!!!不過有少少覺得自己搞錯左季節。哈哈!!!

我仲送左口水肩俾Heidi將會出世既BB女...但係又係冇影到相...@口@
請問我個腦既雜草可唔可以生慢D...

認識左新Blogger朋友Kate

終於見到美女Blogger Yan小姐啦!!!我好似太熱情嚇親佢呢。好在Chalvy控制住我。

未開張前Yandy同技技，仲有技技朋友一齊密密畫，邊傾邊畫，開心到不得了。

多謝技技接受左我咁多隨口up既意見，令我有份係你夢想既一小角到出現。

俾技技影到我搞搞震既罪證添!!!仲要放埋Slide...orz...

終於豬來了!!!Yandy真係第一次見到真正既燒豬!!!((好大鄉里囉...唔該...

Heidi幫我影呢張真戚好傳神呢>////<

係意想不到既情況下，技技居然邀請我一齊切豬!!!
仲要講埋D令人好怕羞既說話...((掩面

好啦，飲杯!!!生意越做越大!!!向夢想進發!!!

跟住就係Yandy起勢咁食野，所以唔洗問我發生左咩事啦。

當日留左幾個鐘就同Heidi美女先走啦，路上遇到剛要去既Blogger，好可惜唔可以留耐D呀，不過我會努力老屈技技搞雷會，等我地上佢既小天地大倒亂架啦!!!YEAH!!!

============================================

感謝 Yandy 提供以上資料

Yandy的網誌: http://chibiyandy.blogspot.hk/

============================================