感想:公司無所事事,其實,是一種折磨.
靚媽媽的部落格
2/26/05 11:19:30 am
--------------------------------------------------------------------------------
無題
好開心呀, 今個禮拜係短週唔洗返,感覺特別精神,返左都有半個月喇,真係悶呀, 日日都無野做,係間公司本身工作量唔大呀, 定係因為我岩岩入去做,所以暫時無野做呢 ? 雖然係岩岩入去姐, 但都無理由半個月日日都係咁得閒呀,不過睇落間公司又真好似唔係太多野做喎, 觀察左咁多日, 我發覺得會計個個人多野做,其他都好似好閒咁, 包括教我地個女仔,基本上佢都係無乜做野既,所以佢亦都搵唔到野俾我做. 好順其自然咁, 我每日返工就自己安排野做, 就係上綱,睇報紙, 不停咁同人玩 MSN 黎打發時間.每日都望住個時鐘做人, 好想時間過得快d.咁優閒既工作對一個打工仔黎講咁究竟係一件好樂事定係一件苦事呢 ? 真係唔知喇 !!
雖然係閃左d,但我發覺呢間上下都相處得好好,亦可能係公司少人既原故吧, 好似做乜都無所謂咁,當場傾公事就例外喇, 老細同經理係度, 都唔需要扮到好勤力咁, 走去批個蘋果食又得, 拿盒餅出黎食又食,完全唔洗因為老細係度唔敢喎...不過最習慣既係個個都好禮貌, 成日都好似好客氣咁, 真係唔習慣囉. 不過呢d我諗我都需要向佢地學習先岩. 始終呢d都係待客應有既態度.
============================================
感謝 任我行 提供以上資料
任我行的網誌: http://tigerzhk.blogspot.hk/
============================================
