我突然覺得我呢個星期好鬼忙, 工作上唔洗講呢幾個月都會忙死, 而私底下亦都好多野攪!因為今個星期尾係我身邊那位既生日。此人極聰明, 佢明知自己會犯下大部份男人既通病, 就係永遠都會忘記一d紀念日, 所以此君響N年前將結婚日期訂響自己生日同一日, 咁就肯定唔會唔記得或者記錯!
我由細至大都好鬼中意整蠱人, 所以同樣我係超愛比suprise人。但每年都要響同一日比兩個suprise我真係覺得有少少技窮..haha..但我又唔中意平平淡淡咁過, 我最中意開party, 更加中意做party攪手, 咁自己既party又點可以攪得太悶呢!當然, 唔係年年都一大班人既, 但兩個人既party更難攪!又要book地方呀, 又要唸禮物呀, 最重要係唸suprise...係時候要唸唸啦!但每次見到呢位穩重的男士因為我既安排嚇到花容失色儀態盡失時(haha..), 感覺超開心滿足(古惑..keke), 覺得可以見到佢受驚嚇既表情做咩都值得!haha..所以一定要攪盡腦汁呢!
我呢個濃味皇之前因為病左,經過大嗱嗱兩日既戒口, 係時候又要食吓重口味。無可否認我真係好中意食碟頭, 炒飯係首選, 摷下雪櫃睇下有咩物資, 最後就整左呢個芝士炒飯, 炒既時候香到呢!加左車厘茄中和返芝士既漏漏既感覺, 絕配呢!
車厘茄超新鮮, 忍唔住邊切邊食..haha
材料 :
1. 車厘茄 - 1盒
2. 素脆皮腸(物資)
3. 青瓜仔(物資)
4. 芝士(我用parmigiano reggiano)
5. 飯 - 3大碗
6. 白鑊炒香的松子
調味料 :
1. 豉油 - 1茶匙
2. 糖 - 1小包代糖
3. 素雞粉 - 1茶匙
做法 :
1. 所有材料切粒, 芝士刨粉
2. 素腸略炒,盛起備用
3. 白飯炒成粒粒, 除芝士外倒入所有材料兜勻
4. 倒入芝士粉, 再倒入調味料試味, 攪惦!^^
