食左無數次既驚風散，經歷無數既蝦碌，今日我可以同大家宣佈：
我終於都搬好屋啦！
係呢度，除左要多謝各位寫咗咁多篇教學俾我參考，我要特別鳴謝信毅媽媽，唔係得佢扶我一把，我呢個電腦白痴一定過唔到呢關。
初初聽到阿虎要摺埋，真係唔開心左一大輪。一方面驚自己搞唔掂，另一方面見到咁多唔同版本既方法，真係亂上加亂。
好彩依家叫做一天都光晒啦，雖然間屋仲有啲甩甩漏漏，起碼叫做真真正正入左伙啦。有咩小問題(例如加返D標籤，D相因為事先唔係咁標準, 一氣過縮圖搞到佢變長或者拉闊咗, 就當自己時運高, 睇唔到算啦)，留返第日慢慢先執啦。
各位仲未搬既難友，其實要搬，真係唔太難既，最踢腳都係將啲相搬上雲端果度晒時間唧，其餘既野，只要唔好行差踏錯，好幾個步驟都只係頂多花你半個鐘既唧。需然最後佢吞咗我一大截網友既留言，都算數啦，我唔會再同佢計較，就當原本就搬唔到留言既，但我依家都保住咗一忽，算好好彩啦!
大家不妨分階段咁去處理，日日做一兩個步驟，總有一日可以好似我咁，可以鬆一口氣。
搬blog既夢魘終於都落幕啦，等我飲返碗湯慶祝下先。
Cheers!
============================================
感謝 May姨Blog 提供以上資料
May姨Blog的網誌: http://maylibibi.blogspot.hk/
============================================
