呢d係乜東東？ 哦，咪就係人地果d印咗舊地址，唔可以拎返黎用既廢紙咯！
摸上手，都幾爽身架，透透地，唔太薄，我仲以為係整白兔仔燈籠既馬拉紙添！睇真d一原來係洋蔥紙黎架喎！仲係來路貨黎添，乜咁冇陰功冇人要你地呀？
等我黎啦！裁走果忽唔出得街既部分，然後幫佢地化下裝，搽返d"胭脂水粉"，再將佢整成禮物袋．呢個係試驗品，冇QC到既，手工麻麻！嗄？做咩用粉紅色？因為所有印台都因為搞義賣活動，拎晒返公司，未回歸，得呢個色係屋企咋！係就係娘咗ｄ，咁都冇辦法啦．
拿！睇落都唔失禮呀．我將佢用黎包咗份小禮物，俾送呢d紙俾我果位朋友，佢都唔認得呢d紙就係佢地諗住掉既孤兒仔呀！
所以話唧，想掉野之前，停一停，諗一諗，或者山雞都可以變鳳凰架！
============================================
感謝 May姨Blog 提供以上資料
May姨Blog的網誌: http://maylibibi.blogspot.hk/
============================================
