三年前，我已經做過一批揮春仔，大家有興趣可以黎呢度重溫一下:
賀年揮春
為咗令大家都歡歡喜喜過新年，我專登做咗一批迷你揮春應節。
大大話話都有百幾張
你地咪以為好多呀，其實一人一張，都好易分晒。
意想不到既係，呢個心曠神怡印用黎做揮春一樣咁靚，大方得體，又夠新意。
因為福字印晨早就送埋俾人，所以只得手上呢幾粒咋，收到既朋友仔，希望你地會珍惜啦。
今年係馬年，所以馬到功成既版本做得最多。
我亦特意雕多一個唔同字體既馬到功成黎印，等大家冇咁悶。
順手整埋星雲大師既慈悲喜捨，或者佛教徒會更喜歡。
原本冇諗住整華麗版既，咪因為一個懶字咯，功夫多吖嘛。
既然有四張用咳吐不壓好既紙框咯，咁就整埋佢，送埋出去啦。
收到特別版既你、你、你，都應該歡喜啦掛?
多手用玫瑰金吹咗張特別版，唔錯掛?
其實平實版既大吉大利
隸書馬到功成，都一樣咁受歡迎既。
其實所有揮春都係環保紙頭同雜誌紙黎，呢張咁金光閃閃既底紙都係環保紙黎架，但大家配合之後，又咪幾靚咯。
祝大家馬年事事順景，身體健康!
============================================
感謝 May姨Blog 提供以上資料
May姨Blog的網誌: http://maylibibi.blogspot.hk/
============================================
