做字印都幾有用架，要黎整卡就啱晒啦．
開開心心咁用上次張茶葉紙黎描圖，都知佢有ｄ地方矇矇地架啦，諗住自己多數都唔依本子辦事既，冇乜所謂啦．
哦，轉印完都係崩少少唧，應該唔影響我落刀既．
做咗成晚．．．
登．登．登．dun！搞掂，即刻用黃色試印，睇下ｄ線幾靚！
弊！乜咁既～～～～乜解究呀？！！
個ｉ字唔見咗一點既？
睇返個印．．．．冇得marn啦．．．
原來張環保牛油紙真係出賣咗我，冇轉印到果點出黎呀！！我呢個懵丙，又蝦碌啦．
冇計啦，冇咗一點，唯有雕粒獨立圓點啦，印返上去都得唧．
咁呀．．．．
不如．．．．．
雕個心心啦，認真對唔住舊擦膠，我係真心改過架．
Bibi：乜你咁老土，黃色襯紅色架？
我試印唧，梗係用淺色啦麻，到時有凸字粉就會遮晒架啦．
於擦膠存貨見底既時候，仲有ｄ咁既閃失，如果成個印唔要得既話，真係心痛死咯．好彩都叫做救得返！
我出黎做野之後，其中一個格言係：做野有鑊都唔怕，最緊要識補鑊，執生真係好重要架！
============================================
感謝 May姨Blog 提供以上資料
May姨Blog的網誌: http://maylibibi.blogspot.hk/
============================================
