想整個馬仔好耐架啦.....，但係又驚自己功夫未到家．
我認識既人當中，二少奶就最迷佢架啦．咁啱係報紙上見到有呢個公仔，真係fit到極！
佢件小背心咁多位，足夠放晒成個二少奶上去啦．
第一稿出世啦，有ｄ地方粗咗ｄ，要改．
起碼舉起既手就要削返多少走啦，個二字同條眉都太粗．
第二稿，改好晒，咁點解頭頂果條線唔做返粗幼一至呢？人地原庄都係咁既，所以專登咁整．
修咗眉，執埋個嘴，咁加加埋埋都做咗幾粒鐘架啦．
唉～～，都係蝦碌咗！我畫少咗一筆，右邊隻耳仔冇收筆．
咁唯有將錯就錯，由得佢啦，我諗二少奶都唔會怪我既．
件背心低胸得滯，要加返件緊身衣先．
佢都幾精神奕奕吖，希望二少奶你一路身體健康，活力過人！
============================================
感謝 May姨Blog 提供以上資料
May姨Blog的網誌: http://maylibibi.blogspot.hk/
============================================
