講起就神奇啦，識咗廿幾年，叫做知你叫咩中文名啦，但係原來實在點寫法，好似冇乜印象見過喎．
逐個老死打去問，你地記唔記得乜乜個區字有冇欠架？咁珊字係王定係女部呀？
整錯咗，好樣衰架麻！又冇理由問當事人架．．．
出到最後一招，查人事部姓名記錄啦！
終於找到答案，係你啦！
上次送咗兩個騎哩篆刻俾大家都識既朋友，今次就唔好嚇你啦，俾返個你睇得明既印章你啦．
你好似都有印台架咯喎，咁我就唔送俾你啦，留返第二ｄ小朋友啦．
都係股票版四正，寧舍醒目既．
我都唔偏心既，你家爸爸都咁上下生日咯可，就送佢一個生日蛋糕啦．
鮮忌廉菠蘿啫喱蛋糕，飾以黑白朱古力片，簡約清爽，適合專業人士既佢．
其實，今日都係雀屎生日呀！
你拆咗生日禮物未呀？
我都知你會乖，留返今日先拆既．
============================================
感謝 May姨Blog 提供以上資料
May姨Blog的網誌: http://maylibibi.blogspot.hk/
============================================
