既然都整咗花老爺同阿桔咯，咁今次就整埋花師奶啦。
其實我麻麻地鍾意花師奶架，一路雕，一路諗起佢地成日咁「踐」我，可不是味兒啊！
但既然雕得自己個「化身」，咁就不容有失啦！
如果你都玩過下雕印仔，都應該知道要做花師奶，最難雕既地方應該係佢對眼。我習慣做印仔都係由最難既開始入手，唔想埋門一腳先黎衰，果陣就喊都無謂。所以，我第一時間整咗對眼先，試印一忽睇下，冇事先繼續。基本上我係唔想ｄ擦子膠白白犧牲既！
好啦，花師奶既額頭同面既線條一定要夠圓滑，又要仔仔細細咁勾好。
跟住到佢既河馬式既大嘴，唔，又搞掂。
唔知點解，我腦裏面成日都有果個配音員把聲，好似聽到佢係度叫「Good!」咁，所以第一時間就寫咗個Good字係度。當然啦，比著以前，我通常第一時間係雕字先既，但呢個係我既「化身」喎，字就變成次要，必要時衰咗咪剷走佢咯！好彩，雞乸咁大只字，當然冇乜難度啦。
清理外圍既現場先，都幾企理呀可！
至於裏面啦喎，未有計住喎，小學生麻，你地咪咁多要求啦！
拿！呢個就係新鮮出爐既花師奶啦!
祝大家母親節快樂！
============================================
感謝 May姨Blog 提供以上資料
May姨Blog的網誌: http://maylibibi.blogspot.hk/
============================================
