年近歲晚，飯局自然多，要遷就爸爸的更表，又要跟契媽佢地夾時間，唯有安排吃午飯。
![]()
幸運地，我選了這一間吃放題，訂了12:30的檯子，用餐時間兩小時。
麵豉湯沒有死咸，合格。除咗湯同水，沒有熱飲，全部都係罐裝飲品。佢地叫咗蜜桃茶、汽水同道地飲品。
雖然例排點魚生，份量會自動減少，但尚算新鮮，冇人話唔俾encore既。
牛油炒帶子加黑椒豬頸肉，不錯。
燒菠蘿，相當好味，大家記住試啦。
據聞天婦羅蕃薯及芋頭都很好吃，但我是不會隨便亂用我既quota既。看看這薄如蟬翼的外衣，我諗其他天婦羅都一定不錯。
火炙壽司，好吃! 其餘既壽司同軍艦壽司唔記得影，都OK。
燒雞軟骨、雞腎、冬菰、茄子，雞軟骨最正。冬菰可以不點，又乾又冇味。
漬物既螺肉同貝類，都幾辣。明太子蟹棒沙律，沙律醬不夠，要求加醬另上，正。
原來芝麻菠菜係咁款既，都幾好味。
炒雜菜，麻麻，金菰牛肉卷，佢地話好食。
燒菠蘿、雞軟骨要追加。
甜品只得芝麻、紅豆雪糕，朱古力雪條同埋自家製甜品。
是日自家製甜品係芒果慕司蛋糕，一寸咁大粒，叫做試下啦。
萬勿錯過芝士年糕，真係超好味，我地係臨走先點既，好後悔冇叫多D。
埋單$651，我地六個大人喎! 原本諗住午餐食百五蚊位咁上下啦，點知咁平。
除開一人$108.5，咁抵，梗係要再醒佢少少啦，我另外俾咗四十蚊貼士佢地。
============================================
感謝 May姨Blog 提供以上資料
May姨Blog的網誌: http://maylibibi.blogspot.hk/
============================================
