早前爸爸買咗個通勝月曆，我約略揭過，仲打趣咁講：「咦，年廿八宜嫁娶喎，唔知佢地會唔會趕得到呢日行禮呢？」期間太多小插曲及不明朗因素，阿仔又趕住飛，佢地又話要過年前搞掂，令我忐忑咗好一輪．
既然成事咯，順手同佢地上網睇真d，九點至十一點係吉時喎，就九點先開始行禮啦，雖然人齊啦，都唔爭在等多十五分鐘啦。
文件早早預備好，臨門一腳，又由唔打算交換戒指到突然多咗對戒指，好彩我大把時間，即刻同佢地改過份劇本，係冇親戚朋友在場既情況下順順暢暢咁完成簡單既儀式，不枉我放假都由屯門出黎幫你地搞掂單野。
雖然現場只得監禮人（我阿仔），一對新人，及連埋我在內既兩個見證人，場面都不失莊重同溫馨，我仲充當埋攝影師，將佢地既重要時刻拍低埋添！
我地冇提供羽毛筆，但我拎咗枝有我地公司ｌｏｇｏ既原子筆俾佢地簽名，係歷史性既一刻，呢枝書寫超順滑既筆都被攝入鏡頭入面啦．
在此，祝福一對新人百年好合，永結同心！
============================================
感謝 May姨Blog 提供以上資料
May姨Blog的網誌: http://maylibibi.blogspot.hk/
============================================
