上次果菖花開完之後，我冇剪走佢．唔係係咪因為咁，刺激到佢一路再生多幾塊葉同花出黎，今次呢菖新既花，又係有五朵既．
冇乜幾可，生到咁，企到咁直就黎開花啦．
不經不覺，細細塊葉都長大埋．
而且一開，雖然前後腳，但都可以同時三朵齊放．
到咗食晏時間，佢居然即係訓低，可能真係負荷過重呀．
淡淡既紫粉紅，未有耐開晒，樓下主幹果度，已經又再生多塊葉仔同一菖花蕾啦．
睇佢生得幾快呀，半日就爭咁遠啦．
放兩日假唧，又高好多啦！
我見佢地生到一面倒咁向晒前面，咪監硬將佢地掉轉對住個櫃咯，點知，佢地真係有好強勁既向陽性，冇耐就自動擰反出黎．
至於新生果菖花呢，都高咗好多．
有少少好似絨毛咁既地，方就會長多一枝花或者葉架啦．
如果我摘走塊葉，佢又會再多長一枝出黎．
呢ｄ就係開完花既殘骸啦．
大家都好合作，好似專登讓俾呀妹咁
依家呢枝花仔，已經開緊，下面亦醞釀兩外一菖花同一塊葉．果然係越長越茂盛啊！
大家數下：呢度有六個花蕾架！
連下面既阿妹都有六粒花蕾，係咪好厲害呢？
係呢串花花仲長緊既時候，根部又再次多長出一菖花同一塊葉，真係令人鼓舞既植物呀！
睇下同最上一幅相比，真係多咗好多塊葉呀，而且期間我都剪走咗幾塊葉架啦．
而最神奇既就係：我第一次種，佢一菖三朵花，今次種，佢第一菖開四朵，第二菖開五朵，跟住好幾枝花花都係五朵，而呢枝呢．．．你地數下．．．
有七朵呀！
而且ｄ根部仲不斷有新既花花生緊出黎，真係活力無限呀！
============================================
感謝 May姨Blog 提供以上資料
May姨Blog的網誌: http://maylibibi.blogspot.hk/
============================================
