呢盆無啦啦出現既紫蝴蝶，生得好鬼快，出咗兩塊葉唧，就學人出花喎！
真係唔睇真ｄ，仲以為係第三塊葉黎．
一日就長高兩寸，所以好快就好高啦．
上一盆花，一枝只有三朵，今次竟然有四粒花蕾．
高企幾日，第二朝就打橫生啦．
過多一日，最大果粒好似差唔多開得啦．
食晏果陣都開開地啦．
一路等，佢都一路開少少．
搞錯呀？我放工咯喎．
你咁叫做對得我住架拿？
咁好啦，第二日係星期六，俾多次機會你．
第二朝返到黎，見佢剛剛訓醒咁，等到一點放工啦，只開咗一半，有辦法啦，約咗人，又要閃啦．
星期一返到公司，算佢啦，等埋我．
睇住佢一路開，連ｄ妹妹都有動靜啦．
終於開晒，都幾靚下．
齊人四姊妹
大家姐開過後，三個小妹相繼開放
到了復活節前夕，三妹亦開盡，留下小妹自己過復活節了．
號外呀！又有一菖花走黎啦！
============================================
感謝 May姨Blog 提供以上資料
May姨Blog的網誌: http://maylibibi.blogspot.hk/
============================================
