同一天裏面, 竟然有三次令人心情一鬆的機會.
第一鬆, 係晨咁早發生既, 隔離位醒我和果子 - 陣太鼓? 咩黎架?
打開呢個咁靚既包庄, 裏面有兩粒金色錫紙包住既和果子, 樣子似芝士多d, 仲附送一把小膠刀添.
原來裏面係好似羊羮咁款既紅豆蓉加紅豆粒粒, 包住中間透明既糯米糕. 真係幾甜下, 要好似d日本人咁, 沖定杯綠菜, 一路飲, 一路切開一忽忽咁食先得.
第二鬆, 係有個好同事放咗一堆有機乾果係我檯.
一次過又點食得晒呢, 所以我用個蜜糖樽裝起佢, 倒埋差唔多有成樽呀!
跟住, 又有人送咗朱古力上黎, 仲係我最鍾意既Godiva, 可惜我老闆唔知, 次次都送令我頂唔順既See's俾我, 唉~~~! 我地中國人好含蓄既, 點好意思開口同佢講: 其實我唔鍾意呢d架.....
我老闆第一個揀先, 佢竟然揀左最甜既白朱古力! 佢真係覺得甜係正架, 唔怪得佢猛送See's俾我啦! 其餘既我都分晒俾人, 我淨留低呢幾粒! Wahahaha.... 85%, 72%, 50%, Bibi實好開心唧!
有時做野做到悶悶地, 有d咁野調劑下, 都咪話唔盞呀!
我後生果陣成日都會寄下d糖仔送俾朋友, 雖然唔值d咩錢, 但當佢地做野做到死死下, 可以定落黎既時候, 拆開我封信, 裏面跌粒糖出黎, 都咪話唔心情一振呀! 尤其係外國既朋友, 佢地果便又點會好似香港咁, 有咁多花款既零食吖, 收到我既奉獻, 不知幾高興, 仲即刻同d同事分享添. 所以當年佢地叫我做快樂天使架, 可惜, 我依家老啦, 唔襯lu!
============================================
感謝 May姨Blog 提供以上資料
May姨Blog的網誌: http://maylibibi.blogspot.hk/
============================================
