近來多咗聽到D親朋戚友話膽固醇超標，又見到有朋友成功地每日食一餐麥片，將膽固醇撥亂反正．
咁等我都試下麥片先！
呢款係有莓果係入面既，甜既．
高纖高鈣，間中飲杯，應該好過食埋Ｄ垃圾食物既．
我係唔食麥皮既人黎，勉強叫做頂得住呢杯野啦．
只得好少渣既唧，快快手飲咗佢咪算咯．
不過．．． 我做人都幾老實既，我只係食咗呢包咋．．．之後就冇食過啦！
但呢隻麥果芭就唔同啦！佢有多款口味，我只喜歡脆口果Ｄ，腍腍地果隻乳酪味我就唔鍾意啦．
除咗蜜糖，又有杏仁，蘋果肉桂，碧根果仁，花生，同埋最近我買既Dark Choco（呢款至正，係我會踏走既超市，全部都俾我掃晒咁滯）！
黑芝麻，有助潤腸及黑髮，食呢ｄ好過出街整碗ｘｘ糊啦，仲係有機既添！我平日係唔會自願食呢ｄ東東既，但都想試下自己既忍受能力吖麻．所以我都有買，仲有呀，原人阿仔既接受能力都相當高架，我下晝整碗佢歎，佢食到刮清隻碗咁滯．
最近試埋雀巢既原片大燕麥，用半杯燕麥，加滾水，叮廿秒，加蓋焗一陣，重複多次，等佢漲大，再加少少淡奶，就咁食，當一餐，都頂得順喎．咁就間中食下，當調理腸胃又好，減下膽固醇又好啦，食唔壞既．
============================================
感謝 May姨Blog 提供以上資料
May姨Blog的網誌: http://maylibibi.blogspot.hk/
============================================
