大家一向崇尚ｘ孖記，因為佢係腐乳中既名牌．我地細個果陣已經識得呢個品牌，但因為佢價錢貴，我地多數都係買返珠江橋牌既．
在我黎講：腐乳之麻，又唔係高科技，珠江橋牌可以企到咁耐，一定有佢既道理既．從前屋企既生抽同草菰老抽都係用佢，硬係覺得其他醬油煮出黎既野唔係咁啱味．
早幾個月，爸爸專誠駕車三次去ｘ孖記買腐乳．
第一次，星期日休息喎！
第二次，去到六點，閂咗門！
第三次，買到啦，仲驚死蝕底，買夠兩樽！
點知．．．我地充滿期待咁，開一樽，小心地夾一磚出黎食下．．．
咦．．．乜咁既？
講真吖，我咁大個人，真係食過唔少牌子既腐乳架啦，連ｘ樹牌都好過佢．．．．真係破壞晒我既童年回憶呀！
好彩，超市好容易買到既美ｘ棧，都唔錯．我好快就轉軚啦．
舊年，我係中環搵到九龍醬園．老字號，用心做醬油及調味料既店．呢度既酸子薑都幾好食架，用黎夾點點綠既皮蛋就正晒啦！
呢一大樽腐乳，要七十個大洋，當然有細樽ｄ既包裝啦，我貪心麻．
真係唔錯，即刻夾一磚黎試下搽麵包．
嗄？你未聽過咩？得架，怕咸咪唔好搽咁多咯，雖然依家冇乜幾可咁做，但我細過就係咁食架啦．
============================================
感謝 May姨Blog 提供以上資料
May姨Blog的網誌: http://maylibibi.blogspot.hk/
============================================
