唔覺唔覺，比利時啤梨已經上場個幾月啦．佢有幾好食？大家可以睇返呢篇：比利時啤梨
今年既貨色，好似冇上年咁靚，唔知係咪早咗收採呢？計落都早咗三個月有得食咁．
講到價錢麻，十個零幾兩隻，貴咗ｄ喎，舊年都$12.9三隻啦，而且又細隻咗．
不過咁，我最近係百佳見到有，$4一個，咁就ｏｋ啦．今年度度賣既貨，ｄ皮都係偏啡既（睇返上面舊年影既相，就知唔同，咁舊年都有ｄ係咁色既），但味道都係一樣既．
以下呢隻就冇等到佢熟就食啦，想俾大家睇下如果唔熟，食完個芯係點既．好老實咁話俾大家知，果肉仍然係甜既，但就爽爽地咁咯，如果俾少少耐性等到佢熟先食既話，剩返落黎既芯會仲細，頂頂亦可以食到莖邊架．我個人認為做沙律既話，咁既質地反而適合喎！
係呀，我地食雜果黎，食完橙，就食奇異果，再食啤梨，唔食午餐架啦．
============================================
感謝 May姨Blog 提供以上資料
May姨Blog的網誌: http://maylibibi.blogspot.hk/
============================================
