呢棵越南椒，真係估佢唔到，明明就咁剪咗落黎插水種，竟然都會開花喎。
放埋一邊咁耐，都冇乜留意佢，只係間唔中加下水，就長到花蕾出黎。
原本就係泥度種既，見佢一路路長高，都冇咩睇頭，我先剪佢落黎。
無花無假，真係同我開花呢，幾靚!
旁邊果粒亦都有反應
不斷長大
等到D雄蕊成熟，爆出花粉，就係時候同佢授粉啦。
我會用呢枝畫筆幫下手。
輕輕撥D粉出黎，然後去碰觸雌蕊。
可惜佢地開花既時候，我未必係度，所以唔一定可以授粉。
就好似另一枝丫上既小花蕾咁，睇怕都係週末先黎開架啦。
到咗星期四，另一朵又開啦。
可惜花蕊未熟
另一朵花真係等唔切啦
到咗星期五，佢D雄蕊都未爆，但第三朵花竟然開得快D。
第一朵已經謝啦，所以冇花粉可以借俾佢用。
而第三朵花呢，到咗下晝先叫做爆少少。
冇新鮮既花粉可以提供授粉，唯有由得佢謝啦。
第一朵花既花瓣雖然已經收起，但好明顯應該會結得成果既。
過完週末返公司，真係見到佢結果啦
D椒仔真係會指向天喎。
好明顯，能結果既，花瓣都冇咁快枯萎。
小辣椒每天都會長大一點點
週末開花又趕不上人工授粉的，開過後就會自動脫落。
這一隻小辣椒已頗成型，算很成功了。
終於都收成啦!
自動脫落，開了花又結了果，對得住D街坊咯!
原本在泥土中長得高高的兩棵椒，還是被我狠下心腸剪下，把多餘的葉片剝去，再插入水中養著，做擠迫戶。
希望剩下的枝幹，會在泥肚中長得更壯。
============================================
感謝 May姨Blog 提供以上資料
May姨Blog的網誌: http://maylibibi.blogspot.hk/
============================================
